Hyderabad: Shehar Hyderabad ki mashhoor Pahadi chotiyoun may se ek Dargah Pahadi Shareef hai jahan rozanah sankdoun droun aqeedat mand Wali ki Zayadat ke liye pahunchte hain lekin un aqeedat mandaun ko saddak se Dargah tak rasai ke liye takreeban 360 seedhiyan chadh kar Dargah tak pohanchna padta hai jo kay bohat mushkil kaam hai aur khaas kar maamar aqeedat mandun ke liye to ye kaam juve sher laane se kaam nahi hai. saddak se Dargah tak rasai ko aasaan bananay ke liye Ramp ki taamer ka mansoobah to kayi baras pehlay hi tayyar kiya gaya tha lekin ab is Ramp ko jald az jald mukammal karne par taizi se kaam ho raha hai is Ramp ki taamer par lag bhag 10 crore ki laagat aayi hai.
Is Ramp ke mukammal honay ke baad na sirf aqeedat mandhun ko Dargah tak rasai aasaan hojaye gi balkay gadiyaan bhi pahar ke chouti aur balai hisson pohanch sakti hain. 13 win sadi ke buzurag Hazraat Baba Sharfuddin Soherwerdi ki ziyarat ke liye ab Dargah tak rasai aqeedat mandaun ki hi nahi balkay gadiyoun ki bhi hogi. ye Dargah Sri Sailam High Way par Shamsabad Airport ke qareeb hai. Telangana State Waqf Board ke ohdedaroun ke mutabiq, aqeedat mandaun ko Dergah tak rasai ke liye jo kay pahar ki chouti par hai, 360 sedhyoun par chadhne may dushwari ka saamna karna padta hai is se raahat ke liye ek saal qabal hi Ramp ke kamoun ko manzoori di gayi thi. ibtida may 9.6 crore Rupay ke takhmine ke sath kamon ko mukammal karne ka faisla kiya gaya tha .
Hukoomat ne ye kaam TSEWIDC ( Telangana State Education Women and Infrastructure Development Coopration ) ko aur Mahima construction ko ek Tender ke zariye mukhtas kiya hai. ye kaam pichlle saal shuru kiye gaye they, lekin mansoobay may tabdeeli jaisi mutadid mushkilaat ki wajah se wo takheer ka shikaar hogaya. TSWBK ke Executive Officer Mohammad Munawar ne kaha hai ke ab rakawatein daur kar di gayeen aur kaam jald hi mukammal karliya jaye ga. TSWIDC ke Executive Engineer P Srinivas Rao ne kaha ke Pahadi Shareef Police Station ke qareeb sadak ko pahad ki chouti se jornay walay CC Ramp Track par kaam takreeban 4 mah qabal dobarah shuru huwa.
Is taamer ke baray may wazahat karte hue unhoun ne kaha ke Ramp ki lambai neechay se pahad ki chouti tak 690 Miter se aur chodaai 11 miters hai. pahad ki chouti ke qareeb aqeedat mandaun ke liye ek aekar may ek parking ilaqa bhi muhayya kiya gaya hai. qabal azeen Manzoor shuda kamoun ke liye 1.4 Crore ki raqam jari ki gayi thi aur ab rawan hafta Waqf Board ne 1 Crore Rupiya faraham kiye hain. unhoun ne mazeed kaha ke tameeri kaam March ke aakhir tak mukammal honay walay hain.
Dargah ke matwalli pirzade Syed Moin uddin ke mutabiq aqeedat mandaun khusoosan buzurag afraad ko pahad ki chouti tak pounchanay aur ziyarat karne ke liye 360 sedhiyoun par chadhna mushkil hai. is may aasani peda karne ke liye is mansoobay ki manzoori di gayi. rozana takreeban 300 aqeedat mand ziyarat karne ke liye pahad ki chouti par chadhtay hain jabkay hafta aur itwaar ko ye tadaad takreeban dugni hojati hai. lekin bohat se buzurag afraad ziyarat karne ke liye pahad ki chouti par nahi poanch satke aur agar Ramp taamer huwa to aqeedat mandaun ki tadaad may chaar guna izafah hoga.
Pahadi Shareef ke walii tareekh ke aaina may
Pahadi Shareef may aaraaam farma buzurag hazrat syedna baba Sharfuddeen sahib qibla Soherwerdi ( Pahadi Shareef ), jinhein aam tor par Shahinsha Deccan ya Sultan alaarfin kaha jata hai. kaha jata hai ke wo pehlay walii hain jo Islam ki tableegh ke liye Bughdad se apne 40 shagirdoun ke sath Hyderabad tashreef laaye they. wo pehlay do azeem sufi santoun may se they jo paighambar-e-Islam Hazrat Mohammed ﷺ ki hidaayat ke mutabiq Islam ki tableegh ke liye Hindustan aeye they. wo sirf Hazrat Khwaja Moin uddin Chesti ( Ajmeer ) ke bad Hindustan ke dosray walii tasawwur kiye jatay hain. tareekhi record ke mutabiq hazrat ki paidaiesh Iraq may 16 Shabaan 586 Hejri mutabiq 1190 eewsi ko huvi aur 631 Hejri ( 1234 Hamza eewsi ) may Iraq se barah-e-raast Hindustan puhanche jab wo 45 saal ke they aur 9 saal tak wo shumali Hindustan ke khittay may Deen ki tableegh may masroof they. Baad azan wo Deccan ka rukh Bahamni Badshahi daur may kiya jab wo 54 saal ke they to wo Deccan ( Junoobi Hindustan ) puhanche. -YTN STAFF