New Delhi: Nirbhaya ke qosorwaroun ki phansi teesri martaba multawi hogayi. Qosorwaroun ki phansi par Patiala House Court ne rokk laga di hai. Is amal ke baad Nirbhaya ki Maa Asha Devi bohat mayoos nazar aa rahi hain. Unhoun ne Media se baat cheet karte huve kaha ke adalat aur qosorwaroun ku phansi dainay ke apne hukum par amal karne mein itna waqt kyun laga rahi hai. Phansi ko bar bar talna hamaray nizaam ki nakami ko zahir karta hai. Hamara poora nizaam juraim pesha afraad ki himayat karta hai.
Darinasna Nirbhaya muqadma mein mujrim qarar Pawan Gupta ki reham ki arzi aaj sadar jamhooria Ram Nath Kovind ne kharij kar di. Is se pehlay Supreme Court se Pawan ki Curative petition kharij huvi thi. Curative petition kharij honay ke baad Pawan ne sadar jamhooria ki taraf rukh kiya tha aur reham ki arzi daakhil ki thi lekin ab is ki ye umeed bhi khatam ho gayi hai.
Qabal azeen Supreme Court ne mulk ko dehla dainay walay Nirbhaya sanha ke gunehgaar Pawan ki sazae mout ke hawala se dayer Curative petition( Islahi darkhwast ) Peer ko mustard kar di. Justice NV Raman, Justice Arun Mishra, Justice R.F Nariman, justice AR Banumathi aur Justice Ashok Bhoshan ki ayeeni bench ne Pawan ki Curative petition mustard kar di.
Pawan ki janib se wakeel AP Singh ne ye darkhwast dair ki thi. Is muqadma ke 3 deegar gunah gaaroun ki Curative petition aur reham ki arziyan pehlay hi mustard ho chuki hain. Mulk ke dar-ul-hukoomat janoobi Delhi mein Nirbhaya ke sath 16 Decemeber 2014 ko chalti Bus mein ijtimai aabrorizi ki gayi thi aur usay sadak par pheink diya gaya tha. Baad mein usay Singapore ke malika Elizabeth Hospital Airlift karkay le jaya gaya jahan is ki ilaaj ke douran mout ho gayi thi. –YTN STAFF