Wellington : New Zealand ki wazeer-e-azam Jacinda Ardern apne mehboob TV Clarke Gayford se shadi karne ka faisla Kiya hai. dono jald hi shadi ke rishtoun mein bandh jayenge .
wazeer-e-azam ke tarjuman ne bhi is baat ki tasdeeq ki hai. is se pehlay jumme ko dono ki mangni honay ki baat samnay aayi thi jab ek taqreeb mein Ardern ko baaen haath ke darmiyan ki ungli mein heere ki angothi pehnay dikhagya .
Iske baad sahafion ne is taluq se wazeer-e-azam ke daftar se ittila ka mutalba kiya. tab wazeer-e-azam ke tarjuman ne is baat ki tasdeeq ki hai ke Easeter ki chuthiyoun ke mauqa par dono ki mangni hui thi aur ab woh shadi ke liye tayyar hain .
Guzashta saal hi wazeer-e-azam rehtay hue hue Ardern ki pehli beti ki paidaiesh hui thi. dono ne apni beti ka naam Neve Te Aroha.. Ardern duniya ki doosri aisi leader hain jinhon ne wazeer-e-azam rehtay hue maa bani. is se pehlay Pakistan ki 2 martabah wazeer-e-azam rehne wali Benazeer Bhutto ke ohda par rehtay hue bachay ki paidaiesh hui thi .
Ardern ne pehlay kaha tha ke mere paas aisa Muawin hai jo hamesha meri madad karta hai. woh mushtarka zimmedaari ka bara hissa nibhata hai kyunkay woh sarparast hai na ke koi Baby sitter. muqami media ke mutabiq Ardern aur Mr Clarke Gayford ki pehli mulaqaat saal 2012 mein ek taqreeb ke douran hui thi . –YTN STAFF