Mumbai: Hasb tawaqqa, Congress party ke senior rehnuma Ajit Pawar ne peer ke roz record chaothi bar aur 2 mahino ke douran doosri baar Maharashra ke naib wazeer aala ki hesiyat se halaf liya. Is baar riyasat mein Shive Sena. NCP. Congress ittehaad se makhloot hukoomat banai gayi hai. Aur peer ke roz Maharashra ke wazeer aala Uddhav Thackeray ne apni kabeena mein towsee ki. Jis mein NCP rehnuma Ajit Pawar ko naib wazeer aala ka ohda diya gaya.
Ye chaothi baar hai ke NCP Supreme Sharad Pawar ke bhatije 60 sala Ajit Pawar naib wazeer aala ban gaye hain. Pehlay November 2010 mein, Phir october 2012 mein, Baad mein November 2019 mein baa-mushkil 80 ghantay, Aur phir peer 30 decemeber 2019 ko ek baar phir is ohday par faiz hoye. October 1999 aur decemeber 2008 mein, NCP ke un ke senior haleef Chhagan Bhujbal wahed dosray rehnuma hain, Jo ek se zayed martaba is ohday par faiz rahay hain. Jabkay deegar rehnuma, Nasikrao Tirpude, Sundarrao Solanke Ramrao Adik, Gopinath Munde, R.R. Patil ( tamam mutwafi ) aur Vijaysinh Mohite-Patil ne sirf ek baar is mansab par qaabiz hove they.
Pawar, Jinhoun ne guzashta mah Bhartia Janta Party se haath milatay hue riyasat mein hukoomat ki tashkeel ka rasta hamwar kardiya tha aur Devendra Fadnavis ke hokumat mein naib wazeer aala ki hesiyat se halaf liya tha, Jo sirf 80 ghantoun tak hi qaim rahi thi. Baad azan unhoun ne apne ohday se istifa day diya tha, Jis ke baad دDavendra Fadnavis hukoomat aksariyat saabit karne se qassar thi aur Shive Sena. NCP. Congress ittehad nai hukoomat bananay ka daawa pesh kiya, Is ke baad Assembly mein aksariyat saabit karne mein bhi kamyabi haasil kar li,Uddhav Thackeray is ittihadi hukoomat ke wazeer aala ban gaye.
Haal hi mein, Jab NCP Supemo Sharad Pawar se poocha gaya tha ke kiya Ajit Pawar ko Shive Sena. Congress aur NCP ittehaad mein naib wazeer aala banaya jaye ga, Jisay Maharashra vikas Aghadi ke naam se jana jata hai. Unhoun ne koe wazahat karne se inkaar kar diya tha. Magar aakhir-kaar Ajit Pawar, Naib wazeer aala ka ohda dobarah haasil karne mein kamyaab hogaye.
Is halaf bardari taqreeb mein sabiq wazeer aala Ashok Chavan, NCP qaideen Dilip Walse-Patil, aur congress ke Vijay Wadettiwar ne bhi halaf liya. Unke alawah ek khaas shaksiyat ”Aditya Thackeray “ Jo intikhab mein kamyabi ka lutaf uthany walay apne khandan ke pehlay shakhs ban gay hain, Unhoun ne bhi wazeer ki hesiyat se halaf liya. Adtiya Thackeray ko maholiyaat ya aala taleem ki wizarat milnay ka imkaan hai. –YTN STAFF