Madrid: Spain se taluq rakhnay wali ek pop glokarah aur dancer stage per muzahiray ke douran haadsay mein halaak hogai.
Joana Sainz Nami glokarah spain mein stage par apne musical group super hollywood orchestra ke sath muzahira kar rahi thi, jabkay is mauqa par wahan hazaron ki tadaad mein shaiqeen yeh programme dekhnay ke liye moujood they.
Report ke mutabiq 30 sala Joana aur unke 15 saathi stage par moujood they jab zabardast aatish baazi ka muzahira bhi kiya ja raha tha. is mauqa par aatish baazi ke liye istemaal honay wala ek rocket gulukarah ke pait mein jaakar laga, jiske baais woh shaiqeen ke samnay muzahiray ke douran hi stage par gir padein.
Report ke mutabiq yeh haadsa raat 2 bajey paish aaya, joana ke stage par girtay hi muzahira rok kar stage ke parday band kardiye gaye, jiske baad hujhoom mein mojood ek Dr ne inhen ibtidayi tibbi imdaad faraham ki. baad azan Joana ko fori hospital muntaqil kiya gaya taham woh jaanbar nah hosakin. hujhoom mein mojood Aini shahideen ne kaha ke bohat taiz dhamakay ki aawaz anay ke baad unhon ne gulukarah ko stage par girtay dekha. jabkay 1 shakhs ne kaha ke do rocket nazar aaye, ek to sahih simt mein gaya jabkay dosra glokarah ke pait mein jaakar laga.
Joana sinz group ki main dancer aur choreographer theen. is musical group mein 15 arkaan moujood they jin mein Musician, dancers mojood hain. –YTN STAFF