Hyderabad: Telangana mein Municipal intikhabaat munaqqid shidni hain, Is ziman mein kaghzat namzadgi wapas lainay ki muddat mangal ko sah pehar 3 bajey khatam ho gayi. Election commission ke schedule ke mutabiq, Telangana mein Municipal intikhabaat 22 January ko honge
Chief Election commission ne kaha ke Corporation mein 385 Wardoun ke liye kul 1786 polling station mojood hain. Us ke sath hi, Siyasi jamaatoun ke zareya B form dainay ki aakhri tareekh bhi aaj ekhtataam ko pohanchi.
22 January ko 120 baldiyat aur 9 Muncipale Corporations mein intikhabaat honay ja rahay hain aur 25 January ko nataij ka elaan kiya jaye ga. Reyasti election commission mangal ki shaam intikhabi umeedwaroun ki hatmi fehrist ka elaan kere ga.
High court ke naye hukum ke sath, Election commission 25 January ko karimnagar Municipal Corporation ke liye polling karaye ga aur is ke nataij 27 January ko elaan kiye jayen ge. Corporation intikhabaat ke liye kaghzat namzadgi wapas lainay ki aakhri tareekh 16 January hai.
It-tila-aat ke mutabiq, Ticket ke husool ke liye TRS party mein phoot pad gayi hai. Wazraa aur arakeen Assembly sameit aala rehnuma baghioun ko paspaa karne ki koshish kar rahay hain, Lekin bohat kam loog is se peechay hatt gaye hain. Nizamabad Muncipale Corporation mein 411 polling station, Karimnagar mein 348 aur Ramagundam mein 242 polling station hain.
120 baldiyat mein 2,727 wardoun ke liye election commission ne 6,325 polling station qaim kiye hain. Un mein, Mehboobnagar mein 240 polling station, Adilabad mein 183, Nalgonda mein 180, Suryapet mein 146, Miryalguda mein 144 hain. Is ke ilawa polling stationon Dorangkal, Vardhamanpet, Kothapeli aur Dharampuri mein 15 polling station banaye gaye hain. –YTN STAFF