Hyderabad. Commissioner ki Task Torce Central Zone aur West Zone teams ne moatbar ittila milnay par 8 afraad par mushtamil do tolion ko pakad liya jo Markazi o Riyasti hukoomaton ke mukhtalif mukhtalif mahukma jaat jaisay Railway, Revenue, Education waghera mein mulaazmaten faraham karne ka jhansa dete hue masoom be rozgaar nojawanon ko dhoka dainay mein mulawis hain. un do tolyon neh 100-150 nojawanon ko mehakma railway mein ‘Ticket Collector’, ‘Commercial Clerk’ aur ‘Point Man’ mahkuma maal mein ‘Junior Assistant’ Mahkuma Taleem mein Junior Assistant’ aur ‘Attender’ ki mulaazmaten faraham karne ka jhansa dete hue un se bhaari ruqomat battor len aur inhen farzi ehkaam taqarruraat, maktoob tarbiyat rawana kiye. Un ke qabza se naqad 24. 1 lakhs rupay aur jaali ehkaam taqarruraat, farzi shanakhti cards waghera zabt karliye gai, mulizimeen ke naam Vardhanapu Gangadhar (35) saakin Kakinada, Pitla Dattadhari (28) Pait Basheerabad, M shiva Reddy (27) Uppal, K. Rajesh (31) Uppal, Aerokanda Swami (32) Vanasthalipuram, Makira Kranti Kumar (30) Zamistanpura, (Yamsani Viresham (49) Huzoorabad, Kareemnagar, Mekanda Srikant (35) Ramnagar Secunderabad aur P. Padma Reddy Vanasthalipuram hain. Un mulzimeen ka tareeqakar yeh tha ke woh mulazimton ke khawahish-mand naujawanon ko un ke doston aur rishta daaron ke tavassut se mulaqaat karte hue unhen mukhtalif sarkari mehakumon mein mulaazmaten faraham karne ka jhansa dete hue inhen 10-25 lakhs rupay talab karte aur bataur paishgi 1-10 laahd rupay fi umeed waar wusool kar lete. Umeedwaron se paishgi raqam haasil kar lenay ke baad woh inhen farzi SMSes, Emails aur Appointment Letters bheja karte they aur inhen aik maqam par talab karte hue un se ruqumaat bator lete. Waqt taalne ke liye yeh toliyan aisay umeedwaron ku Durgapur, Asansol (Maghribi Bengal) aur Khurdah (Asam) training ke liye talabb karte. Is ke baad inhen ticket collector ka uniform pehnakar inhen Secundrabad Railway Station par khada karte aur apni taraf se aik mah ki thankhowa bhi ada karte they. Jab umeedwaar, un se rujoo hotay to woh khud ko muqami siyasatdaan zahir karte aur yeh bawar karwaate ke un ke mukhtalif sarkari mahkuma jaat mein zabardast asar o rasookh hai. Hatta ke woh khusoosi mahakuma jati Quota/Ministers Quota/Deceased Quota waghera ke tehat imtehanaat mein shirkat ke baghair bhi mulaazmaten dila saknay. Is terha woh un se aik taa das laakh rupay bator paishgi aur asli Certificates waghera haasil kar lete. Un mulazmeen ke khilaaf mukhtalif police stationon mein 10 muqadmaat darj kiye ja chukay they. police neh awam se appeal ki ke woh sarkari mehakmon aur multi national companiyon mein mukhtalif jayidadon par taqarrur ke liye kisi darmiyani shakhs ki baton mein na ayen.