Lacknow: Ek ajeeb-o-ghareeb waqay mein, Riyasat ke dar-ul-hukoomat ke Alambagh ilaqay mein ek nojawan nai Paan walay ke muft mein Paan dainay se inkaar karne par 1 shakhs ne is ka Kaan aur Hont kaat liye. Peshay se Videographer, 28 sala nojawan Shalu ko charshumbe ki raat giraftar kiya gaya.
Police ke mutabiq, Ye waqea mangal ki raat ko 10 bajey is waqt pesh aaya, Jab mutasirah shakhs, Satyendra Sujanpur mein apni Paan ki dukaan band kar raha tha. Is douran Shalu is ke paas gaya aur muft Paan dainay ki maang ki. Satyendra ne usay muft Paan dainay se inkaar kar diya, Jis ke bad muft mein Paan na milnay se Shalu gusse mein aaya aur is ne ek pathar uthaya aur usay mara.
Is ke baad is ne Satyendra ke baye Kaan ko danoton se kaat liya, Jis se Paan wala Satyendra neechay gir gaya, To Shalu ne is ke nichale Hont ko kaat liya, Aur wahan se faraar hogaya. Rahgiroun ne khoon se latt patt aur behosh Satyendra ko hospital pohanchaya. Jahan is ke zakhamo ki marham patti ki gayi. Station House Officer ( SHO ). Alambagh, A.K. Sahi ne kaha ke Shalu ek sharaabii hai, Aur is ke khilaaf muqadma darj kiya gaya hai. –YTN STAFF