Hyderabad: Indian Premier League ke 13 wi season mein Kolkata Knight Riders ke khilaaf shandaar bowling kar ke tehelka machane walay Royal Challengers Bangalore ke fast bowler Mohammad Siraj ki muqami akhbarat mein shaya tasaveer ne un ke bemaar waalid ki aadhi takleef ko door kardiya hai. Is umdah karkardagi ki wajah se har ek ki zabaan par Mohammad Siraj ke naam aur aabadi riyasat Hyderabad ke har akhbar mein shaya un ki tasweer dekh kar waalid ki tabiyat mein afaqa par Siraj ne kaha ke un ke waalid bemaar hain aur woh un se milnay ghar nahi jasaktay hain jis ka inhen zabardast malaal hai. Siraj ne apne dukh ka izhaar karte hue kaha ke woh apne bemaar waalid ke sath waqt guzaarne se qassar hain.
Unhoun ne kaha ke un dinon woh bemaar hain. Un ke pehphdon ki pareshani badh gayi hai. Inhen saans lainay mein bohat pareshani ho rahi hai. Mein un ke baray mein bohat pareshan hon aur mein un ki timardari aur diljoi ke liye ghar bhi nahi ja sakta. Mein un ke sath phone par baat karta hon lekin jab woh ronay lagtay hain to mein un ko dilasa nahi day paata aur phone kaat deta hon. Woh aakhri match se qabal hi dawakhane mein daakhil kiye gaye thay. Mein bohat pareshan tha aur un ki behtar sehat ke liye dua kar raha tha.
Siraj ne kaha ke shehar ke akhbar mein un ki tasweer dekh kar waalid bohat khush hue. Jab mein ne inhen match ke baad phone milaya to mujhe bohat herat hui ke mere waalid ghar par thay. Mein bohat khush tha kyunkay match mere liye bohat acha tha. Unhoun ne mujhe bataya ke woh bohat khush hain aur acha lag raha hai ke har shakhs betay ki tareef ke liye phone kar raha hai. Hyderabad ke har akhbar mein betay ki tasweer shaya hui. Mein ne kaha yeh sab aap ki duaon ka assar hai.