New Delhi: Jab se hindustani team ke fast bowler Mohammad Shami ke khilaaf Kolkata ki adalat ki janib se giraftari warrant jari hua hai, tab se hi unki ahliya Haseen jahan media mein bayan baazi kar rahi hain. ab Haseen jahan neh Mohammad Shami ko jail jaane ka khauf dliwaya hai. NDTV se baat cheet karte hue Haseen jahan neh kaha ke jab Aasarm aur ram Raheem jaisay log jail jasakte hain, to phir Mohammad Shami kiya hain. isse pehlay Haseen jahan neh Mohammad Shami par sakht tanqeed ki.
Unhon neh ilzaam aaed kiya tha ke Mohammad Shami ko amroha ki police bacha rahi thi. Mohammad Shami ki ahliya neh kaha kay agar woh amroha mein rehti to wahan ki police inhen jaan se maar deti lekin laal bazaar ki police sach ka sath day rahi hai. Haseen jahan neh maghribi bangal ki chief minister Mamata Banerjee ka bhi shukriya ada kiya.
Yaad rahay ke saal 2018 mein Haseen jahan neh Mohammad Shami aur unke bhai ke khilaaf IPC ki dafaa 498 A ke tehat gharelo tashadud ka muqadma darj karwaya tha. Mohammad Shami ki ahliya Haseen jahan neh ilzaam lagaya tha ke Mohammad Shami ke deegar khawateen ke sath najaaiz taluqaat hain aur isi ki wajah se inhen jaan se maarne ki dhamki dete hain.
Saal 2018 mein Mohammad Shami par unki ahliya Haseen jahan neh maar peet, Ismat rezi, qatal ki koshish aur gharelo tashadud jaisay kayi sangeen ilzamaat aed kiye. Haseen jahan neh Mohammad Shami ke fixers se taluqaat ka bhi daawa kiya tha lekin BCCI ki tehqiqat may Mohammed Shami ko poori tarhan be qasoor qarar diya gaya tha aur is liye woh fil haal team ke sath khail rahay hain. west indies ka doura khatam hochuka hai aur ab team ki watan wapsi honay wali hai.
Aisa maana ja raha hai ke Mohammad Shami Kolkata loutney hi khud supurdagi karenge aur adalat mein paish honge. BCCI neh bhi wazeh tor par keh diya hai ke charge sheet dekhe baghair woh Mohammad Shami ke khilaaf karwai nahi karegi. waisay agar Mohammad Shami ka yeh maamla phas jata hai, to unka junoobi Africa ke khilaaf test series khelna mushkil ho sakta hai. –YTN STAFF