Hyderabad : Sabiq hindustani cricket team ke captain Mohammad Azhar Uddin ne hyderabad cricket association ( HCA ) ke intikhabaat mein hissa lainay ka faisla kiya hai. aur unhon ne HCA ke sadar ke ohday ke liye intikhabi returning officer ko kaghzat namzadgi jama karvaya hai.
Is mauqa par izhaar-e-khayaal karte hue Azhar Uddin ne kaha ke woh Hyderabad Cricket association ki khoyi hui Azmat ko wapas laane ke liye sakht mehnat karenge.
Unhon ne umeed zahir ki ke anay walay dinon mein hyderabad ke kam az kam 8 cricketers mulk ki numaindagi karenge. unhon ne LB stadium se mutaliq kaha ke stadium mein laa-parwahi Badti ja rahi hai. jahan maazi mein kayi bain ul aqwami Matches khailay gaye hain. –YTN STAFF