New Delhi : Congress sadar Rahul Gandhi ne ek baar phir se wazeer-e-aazam Narendra Modi ko tanqeed ka nishana banatay hue Modi ko phir se behas karne ka challenge diya hai. itna hi nahi Rahul Gandhi ne wazeer-e-aazam Narendra Modi se sawal bhi kiya hai ke kiya inhen unse behas karne mein dar lagta hai . Rahul Gandhi ne Tweet karte hue Narendra Modi ko challenge kiya aur Rafael, Anil Ambani, Nirav Modi , Amit Shah aur note bandi jaisay muddoun par pori tayari karkay unse behas karne ko kaha hai. sath hi Rahul Gandhi ne BJP ki janib se jari intikhabi manshoor ko band kamray mein tayyar kiya gaya manshoor qarar diya . Rahul Gandhi pehlay bhi kayi mauqoun par wazeer-e-aazam Narendra Modi ko behas ka challenge day chuke hain. ghhour talab hai ke Rahul Gandhi ki taraf se pehlay diye gay challenge par BJP ne jawabi hamla karte hue kaha tha ke congress sadar ek be khabar leader hain .
Rahul Gandhi ne apne Tweet mein yeh bhi kaha ke congress ka manshoor ghour wo khous ke sath tayyar kiya gaya hai. is mein das laakh se ziyada mulk ki awam ki aawaz shaamil hai. yeh samajhdaari bhara aur mutasir kan dastaweez hai .
Wazeh rahay ke lok sabha intikhabaat ke liye BJP ne peer ko ‘sankalp pattar ’ naam se apna intikhabi manshoor jari kiya. is mein BJP ne qaumi security par zor dainay ke alawa dehshat gardi ke khilaaf zero tolerance ki policy jari rakhnay ki baat kahi hai.-YTN STAFF