Kolkata: Naib sadar venkaiah Naidu aur Wazeer-e-Azam Narendra Modi ne Hindustan ke sabiq captain aur BCCI ke chairman Sourav Ganguly ki kheriyat daryaft ki.
Naidu aur Modi ne ganguly ke kunba ke sath phone par guftagu ki aur unse kheriyat maloom ki. Markazi wazeer mumlikat baraay khazana aur BCCI ke sabiq sadar Anurag Thakur ne hospital pahonch ganguly ki kheriyat maloom ki. Ganguly hafte ko apne ghar par werzish kar rahay thay ke achanak inhen seenay mein dard ki shikayat hui jiske baad foran wood lands hospital mein daakhil karaya gaya, inhen halka dil ka doa pada tha.
Anurag ne ganguly se dawakhana mein milnay ke baad kaha mein ne unse mulaqaat ki. jab mein un se milnay pohancha to woh mujhe dekh kar muskuraye. woh ek achay fighter hain aur unhon ne career mein bohat se utaar charhao dekhe hain. woh jald hi BCCI ka kaam kaaj sambhalainge aur board aur bangal ki khidmat mein dastyab honge.
Wood lands hospital ki nou rukni medical team ne virtual conference ke zariye cardiac mahireen Panda aur devi shetty se ganguly ke ilaaj par baat cheet ki. Dr panda sabiq wazeer-e-azam manmohan singh ke bhi mualij hain. Dr shetty aur unki team ganguly ko dekhnay dawakhana aaye gi. dawakhana ke zaraye ne kaha hai ke Dr shetty ke mashwaray ke baad ganguly ko hospital se chutti di ja sakti hai.