New Delhi: Lok Sabha intekhabaat mein Wazir E Azam Narendra Modi ki kamyabi ke bad inhen Duniya bhar ke ahem rehnuma ki taraf se mubarak bad paish ki ja rahi hain. Israel ke Wazir E Azam Benjamin Netanyahu aur Pakistani Wazir E Azam Imran Khan ney bhi Modi ko Mubarak bad paish ki. Israeli Wazir E Azam ney twitter par likha, mere dost Narendra Modi aap ki zarbardast intekhabi kamyabi par Dili mubarak baad nataij aik baar phir duniya ki sab se badi jamhoriat mein aap ki qayadat ko saabit karte hain. Hum sath mil kar Hindustan aur Israel ke darmain gehri dosti ko mazboot karna jari rakhen ge. Bohat budiya, mere dost.
Doosri Janib Pakistani Wazeer e Azam Imran Khan ney Narendra Modi ko mubarak baad paish karte huwe twitter par likha, mein Wazir E Azam Modi ko BJP aur is ki Haleef jamaaton ki intekhabi kamiyabi par mubarak bad paish karta hoon. Umeed hai ke Junoobi Asia mein aman, taraqqi aur khush haali ke liye hum aik sath mil kar kaam karen ge.
Narendra Modi ki qayadat mein NDA ki behtareen karkardagi ke baad mukhtalif Mumalik ke sarbarahan ney Moodi ko Mubarak bad paish ki hain. Mubarak bad paish karne walon mein Russian Sadar Vladimir Putin bhi shaamil hain. Putin ney Mubarak bad se mutaliq telegram bhej kar Lok Sabha intekhab mein BJP ki kamyabi par khusi ka izhaar kiya.