Hyderabad: Har hindustani ke dastoori huqooq mein raye dahi bhi shaamil hai kyunkay har hindustani is haq ke zareya apne pasandeeda siyasi qaideen ko muntakhib karta hai. Haq raye dahi har shehri Hindustan ki taamer mein apna hissa ada karta hai. har shehri vote ke zareya apne qaied ko muntakhab karte hue assembly aur parliament mein apni aawaz ko pohachata hai lehaza har shehri ko haq raye dahi ki taaqat ko samjhna hoga. Un khayalat ka izhaar advocate syed Ashfaq Ahmed ne YTHISNEWS ke numainday ko diye gaye khaas interview mein kiya.
Advocate syed ashfaq ahmad ne mazeed kaha is waqt riyasat-e-Telangana mein khaas kar aqliyaton ke liye jo kuch schemes jari hai woh congress ke daur mein sabiq chief minister YSR ke ehad mein rubay amal mein layi gayi thi jab ke TRS Hukumat ne musalmanoun ke liye 12 feesad tahaffuzaat ka wada kiya tha jo hanooz wafa na ho saka lehaza hukoomat ki har achay aur mayoos kin kaam ke khilaaf har shehri apna vote istemaal karsakta hai lekin iske liye sab se pehlay hamein voter list mein apna naam darj karwana hoga.
Hyderabad ke nojawan aur Graduate tabqa se advocate syed Ashfaq Ahmed ne kaha ke Hyderabad, Ranga reddy aur Mahbub nagar ke liye MLC intikhabaat ke liye apna naam registered karen. Graduate nojawanon mein shaoor baydaari muhim ke liye advocate syed Ashfaq Ahmed aur unki team Pamplets taqseem karne ke alawa deegar tareeqa ke bhi ikhtiyar kar chuki hai. Unhon ne kaha kay election commission of India ne Telangana ki graduate aur teachers Zumra ki MLC nishistoun ke liye fehrist raye dahindgaan ki tayari ka amal shuru kar diya hai.
Graduate voter list ki tajdeed kari ka programme jari hai. intikhabaat se pehlay voter list ki tashkeel ki jati hai, Jo mard-o-khawateen 31 December 2020 se pehlay degree ki sanad ya iski masawi sabad rakte hain woh sab form ki khanah puri ke baad apna naam darj karasakte hain.
Pur kardah form ke sath afraad apni degree ka markds card ya sanad ya passing certificate convocation mein se kisi ek ki gazette officer ki dastakhat kardah naqal, aadhar card ki naqal, voter ID ki naqal haaliya passport size photo munsalik karna hoga.
Kaam kar rahi hai aur koi bhi noujawan ko registered karwanay mein har qisam ki rahbari aur mukammal madad ke liye unki team 24×7 is ke alawa in Numbers par bhi rabt qaem kiya jasakta hai.
9392480056, 6301223960, 9985859134, 9032312111