Cairo: Miser ne behar-e-ahmar mein mashriq wasti ka sab se bada samandari aur fazai fouji markaz jisay Bernice fouji markaz ka naam diya gaya hai, Tayyar karliya hai. Sadar Abdulla Fattah Al- Sasi ne brother aur dost mumalik ke rehnumao ki mojoodgi mein iftitah kardiya. Tafseelaat ke mutabiq samandari aur fazai fouji markaz Misri shehar Aswan ke junoob mashriq mein behar-e-ahmar ke saahil par waqay hai. Is ka raqba ek lakh 50 hazaar aekar hai. Yahan samandari fouji markaz, Airbase, Fouji hospital, Mutadid jungi o intizami units, Nishanay baazi ke maidan aur har terhan ke asleha ke training Center qaim kiye gaye hain.
Abu Dhabi ke Wali Ahad aur UAE musallah afwaj ke naib sarbadah Mohammed bin Zayed Sultan Al-Nahyan Benice markaz ki iftitahi taqreeb mein shareek hue. unhoun ne brother Misri awam ko shandaar qaumi kamyabi par dili mubadakbaad pesh ki hai. Markaz mein tijarti Platform bhi banaya gaya hai. Musafiroun ka istaqbalia station qaim kiya gaya hai. Kaseer al maqsad Platform banaye gaye hain. Samaan zakheera karne walay platform aur Cantinas rakhnay ke liye godaam bhi tayyar kiye gaye hain.
Alawa azeen Benice International Airport aur samandari pani ko istemaal ke qabil bananay wala planet bhi qaim kiya gaya hai. Misri ewaan sadarat ke tarjuman Bisam raazi ne kaha hai ke ye markaz Miser ki musallah afwaj ka bada karnaama hai. Ye musallah afwaj ko jadeed khutoot par ustuwar karne wali hikmat e amli ka atot hissa hai. Bisam raazi ne mazeed kaha hai ke markaz record waqt mein tayyar kiya gaya hai. Ye Miser ka ek ahem fouji qilah hai. Ye badi, behri aur fazai taaqat ban’nay ke hawalay se fouji hikmat e amli ki jahat mein badi pesh raft hai.
Unhoun ne kaha hai ke ye markaz ilaqai aur bain ul aqwami tabdeelioun ke tanazur mein banaya gaya hai. Is ki badolat duniya ki mukhtalif afwaj ki fehrist mein Miser ki musallah afwaj shaamil hogayi hain. Command and Staff Faculty ke consultant aur askari umoor ke maahir major general Mohammad Shavari se mazkoorah markaz ke qiyam ke waqt aur mehal wuqoo ki hikmat e amli ki baabat daryaft kiya gaya to unhoun ne jawab diya ke Benice mein hawai markaz is waqt qaim karne ka maqsad Miser ke janoobi sahiloun, Behar-e-ahmar mein jahaaz rani, Baab al mandab abnaye aur neez arbo ki qaumi salamti ko jarehana hamloun se bachana hai. –YTN STAFF