Caira: Aam tor par Belly Dance ko fehash Dance qarar diya jata hai, Taham Arab loog aur khaas tor par Misri loog is Dance ko apni Saqafat ka hissa qarar dete rahay hin liken ab isi tarz ki Dancer ko qaid ki saza sunai gayi hai.
Belly Dancer ko aksar name uryaan aur intahi bold Dance karne par tanqeed ka nishana bhi banea jata hai aur baaz auqaat dancer ko qanooni karwaiyoun ka saamna bhi karna padta hai. Aisay hi ek muqadma mein Misar ki muqami adalat ne ek Belly Dancer ko oryanit aur badkaari phelane ke ilzaam mein ek saal qaid ki saza sunadi.
Tafseelaat ke mutabiq Misar ki adalat ne Roosi nazaad Misri Belly Dancer Ekaterina Andreeva ko oryanit o badkaari phelane sameit jhoot bolne ke ilzamaat mein jail bhaij diya gaya hai. Yaad rahay ke ye Roosi Dancer Johara ke naam se mashhoor hai aur Dance videos bohat ziyada dekhi jati hain.
Guzashta baras Johara ki videos bohat ziyada Viral hui then jin mein inhen intahi bold Dance karte hue dekha gaya tha. Agarchay aam tor par Belly Dance ko bold aur name uryaan Dance qarar diya jata hai, Taham Arab dancers muzahira karte waqt jism ko mukammal dhanpne ki koshish karti hain lekin Johara ki Viral hone wali videos mein inhen name uryaan dekha gaya tha aur baaz videos mein inhen mukhtasir waqt ke liye uryaan Dance karte hue bhi dekha gaya tha.
Ilawa azeen Johara ki chand aisi videos bhi Misar ke social media par Viral hui then jin mein inhen nojawanoun ke sath na munasib haalat mein dekha gaya tha. Roosi nazaad Dancer ki ek video aisi bhi Viral hui thi jis mein usay ek nojawan Misri ke sath na munasib haalat mein uryaan dekha gaya tha, Jis ke baad police ne un ke khilaaf karwai karte hue inhen giraftar kiya tha.
Giraftari ke baad Dancer ne daawa kiya ke un ke sath na munasib haalat mein dikhayi daine wala nojawan un ka Misri shohar hai aur nojawan ne bhi police ko bataya ke Dancer se unhoun ne shadi kar rakhi hai.
Police ne Dancer ko giraftar karkay adalat mein pesh kiya tha aur adalat ne baad azan Dancer ko paison ke aiwz zamanat par reha karne ka hukum dete hue police ko dancers ki videos se mutaliq mazeed tafteesh ka hukum diya tha.
Police ne ek saal taq tehqiqaat karne ke baad adalat mein Dancer ke khilaaf oryanit aur badkaari phelane sameit jhoot bolne jaisay ilzamaat lagaye aur adalat ne inhein qasoor waar qarar dete hue ek saal taq jail bhaij diya. –YTN STAFF