Hyderabad : Ek mee-seva center ke organiser syed Abdul Rahman ko kuch din pehlay 125 ek gaadi ki checking ke douran voter shanakhti cards apne qabzay mein rakhnay ke ilzaam mein giraftar kiya gaya tha, mulzim par ilzaam lagaya gaya tha ke is ney Jalpally Muncipality ke liye intikhab ladh rahay siyasi leadron ko mazkoorah card farokht kar na chahta tha.
Shaam 4 bajey, ke waqt Balapur police, jo errakunta x road par gaadi ki jaanch kar rahi thi, nay dekha ke achanak 1 shakhs auto se neechay utra aur mauqa se farar honay ki koshish ki. unhon nay usay pakad liya. pooch tach ke douran pata chala ke wo falaknuma mein ek meee seva center chalata hai. police nay is ke qabzay se 125 voter shanakhti cards le liye.
Rahman nay bataya ke is nay jalpalli Muncipality ke votoron ke voter shanakhti card ghair qanooni tor par chhapwaye they. Rachakonda police commissionaire mahesh bhagwat nay mangal ko kaha ke hum nay is ke khilaaf mukhtalif dafat ke tehat muqadma darj kar liya hai. –YTN STAFF