Hyderabad: Anti Corruption Bureau ke ohdedaron jinhon ne Medak ke Additional Collector Gaddam Nagesh ki rahaish gaah par chhapa maarny aur 24 ghanton se zayed arsa taq talashi li woh usay Hyderabad muntaqil kar chukay hain. Hyderabad aamad ke baad inhen jaanch ke liye seedhay Osmania General Hospital muntaqil kiya gaya. Nagesh ke ilawa RDOB Aruna Reddy Thesildar Abdulul Sattar, Junior Assistant Asim Ahmed aur Nagesh ke benami ke Jeevan Goud ko bhi ACB adalat mein pesh kiya gaya.
DSP Suryanarayana ney kaha ke unhoun ney Additional collector ke zareya moahida se mutaliq tamam dastawizaat zabt karliye hain jinhon ney 112 aekar arazi ke liye NOC jari karne ke liye 1.12 crore rupiye ka mutalba kiya tha. Unhoun ney mazeed kaha ke tamam dastawizaat 12 mukhtalif maqamat se jama kee hain jahan unhoun ney baek waqt chaapay maaray they. Tawaqqa hai ke ACB hukkaam mazeed pooch gach ke liye un paanchon afraad ki tehweel mein liya jaye ga.
Yaad rahay ke Telangana mein ab taq ki sab se badi bud unwani ke muamlay mein Gaddam Nagesh, Additional collector ( mehsool ), Medak aur paanch deegar afraad ko charshumbe ko ACB ney NOC jari karne ke liye 1.12 crore ki rishwat mangnay aur qubool karne par giraftar kiya tha. Serilingampally ka rehaishi ke Linga Murthy ney Anti Corruption Bureau ( ACB ) ke ohdedaron se rabita kiya aur bataya ke is ney pehlay hi 40 lakh rupay naqad ada kardiye they aur baqi 72 lakh rupay ke badlay 5 aekar dainay ka moahida tey huwa hai.
Is shikayat ke baad ACB ke ohdedaron Suryanarayana, DSP, ACBi, Sangareddy ki sarbarahi mein charshumbe ki subah se hi Medak ke Machavaram mein Nagesh ki rahaish gaah par talashi li. ACB ke ohdedaron nay bataya ke zila Medak aur deegar 12 maqamat par beak waqt chhapa mara gaya. Additional collector ke ilawa Aroona Reddy, Abdul Sattar, Mohammad Waseem aur Jevan Goud ko bhi giraftar kiya gaya.