Medak : Zila Hajj society Medak ke zair-e-ehtimaam Medak ke aazmeen hajj ke liye ”New Bharat function hall “may sadar zila hajj society alhaj khwaja Moeen uddin ki sadarat mein tarbiyati camp aur teeka andazi programme ka ineqad amal mein laya gaya. jis mein mehmanan-e-khusoosi ki haesiyat se rukan-e-assembly Medak Padma Devendar reddy ke alawa mufti Imran Khan sahib mubalagh majlis tahaffuz khatam-e-nabuwat trust kamareddy, Mufti khwaja shareef sahib majlis tahaffuz khatam nabuwat kama reddy ne shirkat ki.
Is mauqa par muftiyan Ikram nay khitaab karte hue aazmeen hajj ko munasik Hajj ki adaigi se mutaliq tafseeli rahnumai ki aur aazmeen Hajj ko Hajj ke douran ibadat wo riyazat mein mashgool rehne ki Talqeen ki.
Is tarbiyati camp ke mauqa par khitaab karte hue rukan-e-assembly Medak Padma reddy nay ”Medak hajj ki society numaindagi par Medak mein Mini hajj house ki taamer ka elaan kiya. aur unhon nay aazmeen hajj ko mubarakbaad di.
Baad azan aazmeen hajj ki teeka andazi ki gayi aur polio khwaraak pilaya gaya. rukan assembly Padma reddy o wdeegar zimmedaaron nay aazmeen hajj ko polio khoraak pilaya. –YTN STAFF