Hyderabad: Shehar-e-Hyderabad mein mausam barsaat aur barish ke pani ke wajah se kayi ek masail hotay hain aur kayi martaba to yeh bhi dekha gaya hai ke barish ka pani naaloun aur Gadhoun mein jama honay se raah chaltay paidal rahgeroun aur gaari sawaar afraad haadsay ka shikaar ho jatay hain jin mein kisi ki mout waqay honay ki khabar bhi manzar-e-aam par aa chuki hain .
Mausam-e-barsaat ki aamad se qabal majlis baldia azeem tar hyderabad ( GHMC ) ke hudood mein moujood barsati naaloun aur sewerage nizaam ki safai ke iqdamaat shuru kardiye gaye hain aur GHMC ke ohdedaron nay contractor ko hidaayat di hai ke woh mah May ke ekhtataam se qabal safai ke kamon ko mukammal karlen taakay mausam-e-barsaat ke douran shehriyoun ko kisi qisam ki mushkilaat ka saamna karna nah pade. 87 badey naaloun ke alawa 735 Km sewerage line ki mukammal safai aur un mein mojood kachray ki nikasi ka amal Monsoon ki aamad se aik mah qabal mukammal karliya gaya hai aur is baat ka jaiza liya ja raha hai ke shehar Hyderabad mein jin maqamat par barsaat ka pani behnay mein rukawat paeda hoti hai un ilaqoun mein dobarah safai karwai jayegi .
Majlis baldia azeem tar hyderabad ki janib se 38 crore 24 laakh 35 hazaar ka tender Manzoor karte hue shehar ke barsati naaloun ki safai amal mein layi ja rahi hai taakay kisi qisam ka koi masla na ho. Commissionaire GHMC Mr Dana kishore nay Shehre-e-Hyderabad ke tamam barsati naaloun ki safai ki nigrani karne ki Hidayat dete hue kaha ke un barsati naloun may kachra daalnay walon ke khilaaf bhi karwai ki jaye kyunkay kachra daaley jaanay ke sabab hi naaloun ke bahao mein rukawat paeda hoti hai .–YTN STAFF