Dubai : UAE ki riyasat Dubai mein ek Pakistani shakhs ko malaysia se talluq rakhnay wali shadi shuda khatoon ko zabardasti jinsi taluqaat ke liye majboor karne ke jurm mein 6 mah qaid ki saza sunadi gayi.
Tafseelaat ke mutabiq 35 sala Pakistani shakhs aur 33 sala Malaysian khatoon Dubai ke ek hi ghar mein para medical amlah ke tor par kaam karte they. Pakistani dispenser ne malaysia se talluq rakhnay wali 33 sala khatoon nurse se jinsi taluqaat ustuwar karne ke liye baar baar mutalba kiya tha. mutasirah khatoon ne adalat ko bataya ke Pakistani shakhs ne ibtidayi tor par inhen jinsi taluqaat ustuwar karne ki paish kash ki thi, jisay unhon ne mustard kardiya tha.
Khatoon ne kaha ke unhon ne Pakistani shakhs ko bataya tha ke woh shadi shuda hain aur apni zindagi se khush hain, aur woh unse taluqaat ustuwar nahi kar sakteen. khatoon ne adalat ko bataya ke guzarte waqt ke sath Pakistani shakhs ka rawayya sakht hota gaya aur woh inhen dhamkane aur jinsi tor par harasan karne lagey. woh Pakistani shakhs ki janib se black mail kiye janay aur jinsi taluqaat ustuwar karne ke liye dabao daalnay par pareshan theen aur inhen dar tha ke agar malikaan ko pata chala to woh inhen mulazmat se nikaalte sameit police mein unki shikayat kardinge.
Malaysian nurse ke mutabiq unhon ne himmat karkay apne maalik ki ahliya ko apne sath honay wali na-insafi se mutaliq bataya, jinhon ne unka sath diya aur mulzim ke khilaaf karwai hui.
Pakistani shakhs ne adalat mein Malaysian khatoon ke sath na munasib amal ikhtiyar karne ka aiteraaf karte hue inhen jinsi tor par harasan karne ke ilzamaat mustard kiye. adalat ne Pakistani dispenser ko 6 mah qaid ki saza sunai aur sath hi inhen saza mukammal karne ke baad mulk se be dakhal karne ka hukum day diya. –YTN STAFF