Uttar pradesh: All India majlis-e-ittehaad ul muslimeen ke UP riyasati sadar Shaukat Ali ne lok sabha intikhabaat ke liye SP aur BSP ke darmiyan hue ittehaad par nishana sadhte hue kaha ke ye muslim leader ship ko Achoot samajhne ki siyasat hai.
Unhon ne ittehaad may Rashtriya Lok Dal ko hisse daari dene ke muamlay par bhi sawal uthaye. AIMIM ke riyasati sadar ne kaha ke 4 feesad jaat vote bank wali party ko hissa daari di gayi, lekin 22 feesad abadi wale musalmano ko nazar andaaz kar diya gaya.
Unhon ne kaha ke itwaar ko ek meeting bulai gayi thi jis mein ye tey hua ke majlis-e-ittehaad ul muslimeen UP may lok sabha election laday.
Sath hi ye tajweez bhi pesh ki gayi ke Asad uddin owaisi hyderabad ke sath he UP ki ek seat se election lade, is ke liye UP majlis ka aik wafd owaisi se mulaqaat kere ga .