Kolkata: Nau muntakhab rukn-e-parliment Nusrat Jahan Rath Yatra ke programme May shirkat karte hue kaha ke Hindustan ke noujawan secularism, insaaniyat aur firqa waranah hum ahangi ke sath khadey hain. riwayati sari, mangal sutar, aur chuddi pehan kar bangali adakara nusrat jahan apne shohar Nikhil Jain ke sath rath yatra ke programme May shirkat ki. Nusrat Jahan ki shadi ke baad is tarhan ke sar garmiyoun par mukhtalif gooshon se tanqidein ki jarahi hain lekin nusrat khud ko ek musalman zahir karne May koi kasar nahi chodh rahi hain.
Nusrat Jahan ne kaha ke yeh mere liye aezaz ki baat hai ke bhagwan ne mujhe yeh mauqa diya hai ke May hindustani noujawanon ki tarjumani karoon, hum sab secularism aur insaaniyat ke sath hain. Rath Yatra ke muntazmeen ne mujhe madoo kiya hai ke yeh mere liye aizaz ki baat hai. yeh bangal ki khasiyat hai ke culture aur mazhab ke ikhtilaaf ke bawajood sab mil kar ek sath tehwaron ka ehtimaam karte hain. Nusrat Jahan ne kaha ke Didi Mamta benerjee har saal Red road par eid ke program May shirkat karti hain, zaroorat is baat ki hai ke Behtar kal ke liye hum sab muttahid hojaye.
Sari, pehnave aur musalman honay par uth rahay sawaloun par Nusrat Jahan ne kaha ke mujhe is ki koi parwah nahi hai mere mutaliq kon kiya keh raha hai. May paedaishi musalman hon aur rahongi, aap kiya mehsoos kar rahay hain isse koi farq nahi padta hai. aap ke andar jo kuch hai wohi aap mehsoos karte hain. Nusrat Jahan ke shohar ne Nikhil jain ne kaha mujhe nusrat jahan par fakhr hai woh tamam mazahab ke ehteram ki baat karti hain aur rukan-e-parliment muntakhib hui hain, jahan ne un ko Troll ( social media par tanqeed ) karne walon ko sahih jawab diya hai aur mujhe yaqeenan nusrat jahan par fakhr hai. –YTN STAFF