Mehboobabad: Mahabubabad ke sarkari Hospital par hamla mulazimeen aur Ward Boy zakhmi hogaya itwaar ki raat der gaye zila Mehboobabad ke government Area Hospital mein kasheed gi lapat mein aa gayeen, Jab itwaar ki raat ek mareez ke hazreen ny mobay yana tor par aamle par hamla kiya.
Sarkari hospital ke amlay ney dawa khanaay ko anay walay hazreen ko chehray ka mask pahannay ke liye kaha to is waqt dono fareeqon ke beej behas o takraar huvi, Baad azan hazreen ney dawakhane ke Staff par hamla kar diya, Jis mein ek Ward Boy shadeed zakhmi hogaya. Tibbi baradri ney Mahabubabad sarkari hospital par hamla ke waqeye par sakht muzammat ki, Aur hamla awaron ke khilaaf sakht karwai ka mutalba kiya, Police ney muqadma darj kar ke tafteesh shuru kar di.
Mahabubabad sarkari hospital ke zaraye ke mutabiq itwaar ki raat ek mareez jo haadsay ka shikaar huwa tha zakhmi haalat mein hospital laya gaya. Is ke sath nojawanon ka ek group bhi sath tha, Dawakhane ke ihatay mein daakhil hotay hue security ehalkaron ny un se chehray ka mask pehnay ko kaha.
Lekin zakhmi ke saathi sun ney ke mood mein nahi they aur hospital ke security ke saat behas ched gayi, Ward Boy Supervisor aur deegar Mahabubabad sarkari Hospital amlay mauqa par poanch gaye halaat ko qaboo karne ki koshish ki.
Taham hazreen ne security amlay aur ward boy par hamla karne ki koshish ki, Jab ward boy aur Supervisor ne security ehalkaron ko bachanay ki koshish ki to nojawanon ka group ward boy par bhi hamla kar diya jis se ward boy khoon mein lutt pott hogaya. Baad azan inhen ilaaj ke liye hospital muntaqil kar diya gaya. Police is muamlay ko darj kar di hai, Aur hamla awaron ki shanakht karne ki koshish kar rahi hai.