Lobaan ki 19 aqsam hain jin mein is ke darakht ki 7 nadir aqsam bhi hain. yeh aqsam Yemen , jazeera samatra, Oman ke junoob mein waqay ilaqay Zaffaar , Ethiopia, Sudan, Somalia, jazeera Mid-Ghaskar aur Hindistan mein payi jati hain
Arabi Lobaan qabal Maseeh ke waqt se maroof hai. qadeem tahzibon ne is par inhisaar kya jin mein Hazrmout ki mumlikat ke ilawa Moueen , sumudion aur Anbaat ki mamlikatein shaamil hain. Lobaan –apne tibbi fawaid ke sath mazhabi ahmiyat ka bhi haamil hai. Qadeem tibb ilaaj ke mukhtalif nuskhon mein is ka istemaal kya karti thi. un mein baaz nuskhon mein is ka istemaal abhi tak jari hai . sultanate Oman ke soobay Zaffaar mein waqay pahari silsila, zameen par Lobaan haasil karne ka aik ahem tareen zareya shumaar kya jata hai. Lobaan ka darakht makhsoos maqamat par paaya jata hai. King Saood University mein aasaryaat ke shoba ke asosi at professor dr Ahmed Alabudi ke mutabiq Jazeera Arab ki sarzamen ke har hissa mein khushbuon ko bohat ziyada ahmiyat haasil rahi hai. unhon ne bataya ke ajaaeb khanaay har shakal aur har rang ke dhooni daano se bharay hue hain. yeh dhooni daan pathar, matti aur madniyaat ke banay hue hain. gharon mein dhooniaan Arab Saqafat ka aik ahem tareen juzu hai. har jagah ki tahazeeb ne dhoonion ko mazhabi ya tibbi maqasid ke liye istemaal kya. Lobaan aur deegar dhoonion ki tijarat ke liye istemaal mein anay walay khushki ke mushkil raastoon par aamad o raft ka silsila moqoof ho gaya. un mein bohat se rastay to zahuur islam se qabal hi maand par chuke they. is ke nateeja mein arbo ko aik barray iqtisadi bohraan ka saamna karna para . Quran e kareem mein bhi un mein se aik mashhoor rastay ka zikar kiya gaya hai. yeh rasta” Ailaf ” ka tha jis ke zariye Quresh ne tijarat ki thi aur yeh islam ke zahuur se qabal Quresh aur mecca walon ki sarwat ka ahem sabab tha. yeh rasta Makkah ko shaam se jorta tha jo mausam garma ka safar hota tha aur Makkah ko Yemen se bhi jorta tha aur yeh mausam sarma ka safar hota tha. jaissa ke Quran e Kareem mein aaya hai ke :” Li-eelafi Quraysh Eelafihim rihlata ashshita-iwassayf ” .
sultanate Oman mein Aala taleem, scienci tahaqeeq aur kharja taluqaat ke shoba ke sarbarah Dr. Ahmed bin Sulaiman Alharasi ne alarabia.net se guftagu mein wazeh kiya ke Lobaan ki 19 aqsam hain jin mein is ke darakht ki 7 nadir aqsam bhi hain. yeh aqsam Yemen , jazeera samatra, Oman ke junoob mein waqay ilaqay Zaffaar , Ethiopia, Sudan, Somalia, jazeera Mid-Ghaskar aur Hindistan mein payi jati hain. Alharasi ke mutabiq ko qadeem zamane se aalmi satah par tavajja aur pazeerai haasil rahi hai. aaj ke daur mein Germany , France , italia aur America mein Lobaan ke hawalay se tahaqeeq jari hai. Alharasi ne bawar karaya ke Lobaan mein qudrati cartizone paaya jata hai. is wajah se yeh tension, asthma aur khansi ke hawalay se behtareen anti biotic hai. is se mukhtalif dawaon ke kipsol bhi tayyar kiye ja rahay hain. Dr. Alharasi ne bataya ke aindah october mein aik aalmi conference ka ineqad ho raha hai jahan Lobaan ke hawalay se aalmi satah par mutadid tajarbaat paish kiye jayen ge