Qabl azeen mulaqaat ke douran K T Rama Rao ne Daniels se khwahish ki ke Hyderabad mein Customer Service Operations Center qaayim kere aur riyasat mein Information Technology se mutaliq umoor par tabadlah khayaal kiya.
Hyderabad. Maroof Social Media application ‘Whatsapp’ ke Chief Executive Officer Mr. Chris Daniels, jinhon ne wazeer Information Technology o Sanat Mr. K T Rama Rao se jumaraat ko mulaqaat ki, Hyderabad mein ‘Whatsapp’ ka aik Customer Service Operations Center qaayim karne se kaafi dilchaspi ka izhaar kya hai. Qabal azeen mulaqaat ke dauran Mr. K T Rama Rao ne Daniels se khwahish ki thi ke Hyderabad mein Customer Service Operations Center qaayim kere aur riyasat mein Information Technology se mutaliq umoor par tabadlah khayaal kiya. Wazeer ne unhen bataya ke woh kis terha mukhtalif sarkari pahel ke liye ‘Whatsapp’ ka extensive istemaal kar rahay hain aur Hukoomat mein communication ko baqayeda bananay mein madad kar rahay hain. Mr. K T Rama Rao ne kaha ke woh khud 100 Whatsapp groups ka hissa hain aur unhon ne bataya ke woh kis terha Whatsapp ka kaisay kaisay istemaal karte hain. Wazeer ne Whatsapp ke CEO se khwahish ki ke woh mann ghadat khabron ke maamla ka jaiza lein aur kaha ke Whatsapp ke zareya jhooti khabron ke phelnay par control karne policy ki zaroorat hai. Whatsapp ke CEO ne Wazeer se wada kya ke jaraayim se nimatnay aur khoj laganay mein Whatsapp ka kaisay istemaal kya jaye uss par Police ke sath workshops munaqqid karen ge. Facebook India , ke Public Divsion ke sarbarah Shivnath Thakral ne bhi Wazeer Information Technology se mulaqaat ki aur Hyderabad mein business ke imkani wusat par tabadlah khayaal kiya. Aik aur ijlaas mein CEO Novartis Mr. Vas Narsimhan ne bhi Mr. K T Rama Rao se mulaqaat ki aur dono ne riyasat mein LifeSciences Echo System par tabadlah khayaal kiya.