Sharjah: Royal Challengers Bangalore ( RCB ) ke khilaaf Kings XI Punjab ke fast bowler Mohammed Shami ne Sharjah ground mein IPL 2020 ke 31 wi match mein ek over mein Virat Kohli aur AB de Villiers ku out karkay ek khaas Record apne naam karliya hai. Dar haqeeqat woh ek over mein un dono khiladion ko out karne walay IPL ki tareekh mein 8 wi bowler ban gaye hain.
Shami ne Bangalore ki inning ke 18 wi over mein yeh karnaama anjaam diya. Is Over ki teesri gaind par unhoun ne pehlay AB de Villiers catch out kiya. Is ke baad panchwin gaind par Shami ne Kohli ko bhi wicket ke peechay catch karakar Pavilion ki raah dikhayi. Ahem baat yeh hai ke is match mein Punjab ne Bangalore ko 8 wicketon se shikast di. Is season mein yeh Punjab ki doosri kamyabi hai jabkay Bangalore ki teesri shikast hai. Bangalore ne apne 20 overs mein 6 wickets ke nuqsaan par 171 runs banaye thay. Jawab mein Punjab ne aakhri gaind par hadaf ka taqub kiya. Nicolas ne aakhri gaind par chakka mara jis se is team ko is season mein apni doosri kamyabi mili.
Jab aakhri match mein 33 gaindon par not out 73 runs bananay walay AB de Villiers aur Kohli Craze par mojood thay to shaiqeen ki tawaquaat badh gayi theen lekin Mohammed Shami ne saari umedon par pani phair diya aur Kohli aur AB de Villiers ku isi over mein pavilion jana pada. RCB Inning ke 18 wi aur apne teesray over mein Shami ne AB de Villiers ku ke hathon catch karwaya jabkay Virat ka catch KL Rahul ne wicket ke peechay liya. Is ke sath hi Mohammed Shami ek hi over mein Kohli aur AB de Villiers ko out karte hue IPL ke aathween bowler ban gaye. Is se qabal Jacques Kallis 2012, Dhawal Kulkarni 2013, Ashish Nehra 2015, Krunal Pandya, Thisara Pereira, Nitish Rana 2018, Suresh Gopal 2019 aur ab Mohammed Shami ne yeh kaam anjaam diya hai.