Abu Dhabi: Kings Xi Punjab ko hafta ke roz yahan Indian Premier League mein Kolkata Knight Riders ke khilaaf apna sab kuch dao par lagana pade ga kyunke Sunrisers Hyderabad ke khilaaf 69 runs ki shikast ne is liye halaat mushkil tareen bana diye hain. Jad-o-jehad karne walay Punjab ko KKR team ke challenge ka muqaabla karna aasaan nahi hoga jo nojawanon aur tajarbay ka ek umdah imtezaaj hai. 5 shikaston aur wahid kamyabi ke baad Kings Xi Punjab is waqt 2 points ke sath table ke aakhri maqam par hai jabkay Knight Rides 3 fatohat se 6 points ke sath chouthay number par hai. Is ke bawajood KKR batadreej ek teesray IPL khitaab ke ek mazboot dawaydaar ke tor par samnay arhay hain.
Chinnai ka Bangalore se muqaabla
Chinnai Super Kings ka muqaabla hafta ko Royal Challengers Bangalore se hoga. Kolkata Knight Riders ko shikast dainay mein nakami ke baad CSK All Rounders Kedar Jadhavka intikhab aasaan hain. KKR se 10 runs ki shikast ke baad Kedar ke intikhab par sawalia nishaan laga huwa hai. Dekhna yeh hai ke agar Chennai 35 sala Jettison ka intikhab karti hai to team ki janib se no jawan khiladi ko aaraam dainay ka imkaan hai. Shane Watson ne Kings Xi Punjab aur Faf du Plessis ki shandaar nisf century se 10 wickets se kamyabi haasil karne ke bawajood middle order badastoor CSK ke liye tashweesh ka baais bana huwa hai jabkay Dhoni ka form bhi tashweesh ka baais hai. Dhoni agar woh Kedar ku baher karne ka faisla karte hain to un ke paas Ruturaj Gaikwad ya Narayan Jagadeesan ko muntakhib karne ka ikhtiyar hai. CSK ki bowling behtar hogayi hai aur unhoun ne pichlle muqablay mein KKR ko roknay mein behtar muzahira kiya hai. Dhoni ke liye batting shoba ka naaqis muzahira dard sir bana huwa hai.