Hyderabad: Sheher-e-Hyderabad aur riyasat Telangana bhar may khawateen Tehsildaroun se kaha gaya ke wo mumkina hamloun ke khilaaf apna difa khud karne ke liye ibtedayi ahteyati tadabeer khud karen aur apne sath mirchi ka spray rakhen. Ye baat hukkaam ne bataye. khawateen tehsildaroun ko yeh iqdaam uthane ki hidayat MRO Vijaya Reddy ko hyderabad ke muzafati ilaqay Abdullahpurpet may apne daftar mein zindah chaladene ke waqeye ke ek hafta baad di gayi hai.
Riyasat Telangana may 1000 ke qareeb Tehsildar hain jin may 400 khawateen ohdhedar be shaamil hain. Vijaya par hamla ghair mutawaqqa tha lekin ab kam az kam Tehsildar khawateen mohtaat rahen aur ahthiyat barten yeh paegham mutaliqa ohdedaroun ney jari kiya hai. Deputy Collector ki association ke sadar TOIV Lachi Reddy ne kaha hai ke hum ney inhen ziyada mohtaat rehne ke alawa Air Vasvi apne sath daftar sath le jaane ka mashwara diya hai.
Yaad rahay ke Vijaya ko 4 November ko K.Suresh ne zindah jalaya tha jo petrol ki can lekar Tehsildar ke daftar may dakhil hua tha. is tarha ke mazeed waqeat ke barey may, tehsildaroun ki association ke saddar S.Ramulu ne kaha hai ke ab se agar shikayaat ke sath aanay walay afraad tehsildaroun se mulaqaat karna chahain to inhen bag lejane ki ijazat nahi hogi.
Sircilla sheher may haal hi may 1 shakhs jis nay petrol ki bottle lekar Tehsildar se milnay aaya tha jab is se daryaft kiya gaya to is ne ohdedaroun ko bataya ke jab wo ghar jata to woh hamesha Sircilla gas lekar jata hai. Ramulu nay mazeed kaha hai dafatir aanay waloun ki jaanch padhtaal ki jayegi aur sirf unke hathoun mein darkhwast aur deegar dastawizaat ke saat Tehsildar se milnay ki ijazat di jayegi.
Ramulu nay mazeed kaha ke dar-haqeeqat Abdullapurmet waqeye ke baad kuch Income ohdedaroun nay apne kamoun se rujoo nahi hue hain halaanke un ohdedaroun ka kaam logoun ki shikayaat par ghour karna aur unki shikayat ka azaala karna hai. Warangal ke dehi zila may Vellore Tehsildar M.Rajani nay kaha hai ke agar mutadid awamil ki wajah se unka kaam ruk jata hai to shikayat kundagaun jarehana ho jatay hai aur apna gussa ohdedaroun par utaarnay ke alawa inhen bura bhala kehte hain.
Rajni, jaise haal hi may ek Sarpanch nay dhamki di thi kyun kay woh chahta tha ke wo apne nam se kisi zameen ko baqaida banaye, Rajni nay kaha ke bohat se log dopehar 12 bajey ta 3 bajey ke darmaiyan unse milnay atay hain aur iss douran police ka tahaffuz hona chahiye. unhon ne mazeed kaha ke wo iske baarey mein zilai SP ko maktoob likhinge aur mutalba karenge jis waqt awam ohdedaroun se milnay atay hai kam az kam un auqaat may police ke zareye inhen tahaffuz faraham kiya jana chahiye.
kuch jagahoun par Tehsildar CCTV camera nasb karne ka iradah rakhtay hain taakay woh dafatir mein bar-bar anay waloun ki nigrani kar saken, agar CCTV nasb kiye gaye to daftar ko anay walay shakhs se baqaidagi se pocha jayega ke unki pareshani kiya hai aur iske baarey may mashwara diya jasakta hai ke iske baad kiya karwai ki jasakti hai. dosray kaam sabha munaqqid karne aur logoun,sarpanchoun aur MPTC arkaan ko aagah karne ka iradah rakhtay hai. -YTN STAFF