Bhopal: Madhya pradesh ke chatarpur zila mein 2 afraad ko ek Dalit shakhs ko khana choone ki Padash mein peetnay ke ilzaam mein giraftar kiya gaya jiski wajah se iski mout hogayi.
Bhoora sooni aur Santosh paal par zila ke kishan porgaon mein 25 sala Anuragi devraj ko be dardi se peetnay ka ilzaam hai jiski wajah se is Dalit nojawan ki mout hogayi.
Zila collector shilender singh ne kaha ke sooni aur paal ko girftar kiya gaya tha. Unhon ne mazeed kaha ke zilai intizamia ne anuragi ke ahal-e-khanah ke liye scheduled cast aur schedule tribal ( mazalim ki rokk thaam ) qanoon ke tehat 8 laakh rupay ki imdaad ki manzoori di.
Singh ne mazeed kaha ke sub divisional magistrate ( SDM ) Avinash raut ne afraad-e-khandan se mulaqaat ki aur yaqeen dilaya ke inhen tahaffuz mileyga. Yaad rahay ke yeh waqea is waqt paish aaya jab anuragi sooni aur paal ke zareya di gayi party mein shareek tha. Iske ahal-e-khanah ke mutabiq is ne wapsi par inhen bataya ke unke khanay ko choone par dono ne is ko buri tara mara hai. Ahal-e-khanah ne police ko bataya iski peeth par lagnay walay zakhamo se zahir hota hai ke usay chhadi se peetta gaya tha. Jald hi is ne seenay mein dard ki shikayat ki aur is ki mout hogayi. Mulzimaan par tazeerat hind ki mukhtalif daf-aat ke tehat muqadma darj kiya gaya hai, Jin mein qatal bhi shaamil hai aur schedule zatin aur namaloom qabail ( mazalim ki rokkk thaam ) qanoon ki daf-aat bhi shaamil hain.