Dubai: Khaleeji mumalik mein Novel Coronavirus ke 4737 naye mamlaat darj huve hain jis ke baad mutasireen ki jumla tadaad 101531 tak poanch gayi. Mutasireen mein se 27228 sahet yab hogaye jabkay 368 ki haalat naazuk batayi jari hai. Khaleeji mumalik mein virus se halaak honay waloun ki tadaad 560 hogayi.
Tafseelaat ke mutabiq amarat mein peer ku 680 naye mareez Report huve. Mutasireen ki kul tedad 18878 hogayi. Wizarat sahet ke tarjuman neh bataya ke 5381 afraad sahet yaab hugaye hain jabke 201 afraad halaak ho chukay hain. Emarat ki hukoomat neh bataya hai ke 4 khandan ke loog Taraveeh ke liye jama huve they aur sab ke sab Coronavirus mein mubtala hogaye.
Sky News ke mutabiq bahraini wizarat sahet neh kaha ke peer ku 216 naye mareez Record par aaye hain. Qatar ki wizarat sahet neh 1103 mareezoun ke eezafe ki tasdeeq ki hai. Kuwait wizarat sahet neh bataya ke Corona ke 178 mareez shefayab hogaye. Sahet yab afraad ki tadaad 2907 hogayi hai.
Omani wizarat sahet neh 174 naye mamlaat report honay ka elaan kiya hai. Darin asna Misar ki wizarat sahet neh kaha hai ke mulk mai 346 naye mamlaat Record hue hain. Virus se 8 afraad halaak hogaye. Sahet yab afraad ki tadaad 2172 tak poanch gayi. Iraq ki wizarat sahet neh bataya ke guzashta 24 ghantoun ke douran Corona ke 51 naye mamlaat Report huve jabkay Virus se ek shehri halaak hogaya. Urdan ki wizarat sahet neh bataya ke 22 naye mamlaat record par aaye majmoi tadaad 562 hogayi.
Al-jaizair ki wizarat sahet ke bamujab mulk mein Corona se sahet yab afraad ki tadad 2841 hogayi hai. Virus se 5 mazeed afraad ki mout hogayi. Majmoi tadaad 507 hogayi. Mutasireen mein 168 ka izafah honay par kal tadaad 5891 tak poanch gayi. Labnani wizarat sahet neh bataya ke 14 naye mareez Record par aaye hain jis ke baad majmoi tadad 859 hogayi hai. Marrakesh mein corona ke 163 naye mareez Record par aaye hain. Majmoi tadad 6226 hogayi hai. –YTN STAFF