Hyderabad. Sadarnashin Telangana State Haj Committee janab Mohammad Masihullah Khan ney riyasat ke Khadim ul Hujjaj ko hidaayat di hai ke woh farz shanasi aur lagan o mehnat ke sath khidmaat injaam den aur jin Hujjaj karaam ko un ke supurd kya gaya hai un ki bar waqat madad o rahnumai karte rahen. unhon ney aaj seh pehar Haj House mein riyasat ke Khadim ul Hujjaj ke aik ijlaas se khitaab karte hue kaha ke Khadim ul Hujjaj ko Hajion aur Haj Committee o hukoomat ke darmiyan ahem kari samgha jata hai’ un ki behtareen aur itminan bakhash khidmaat ka aitraaf kya jaye ga aur un ko toseefi sanad aur award se nawaza jaye ga. Woh zimma darion se mun nah morhin aur zaroorat ke waqt Hujjaj karaam ko dastyab rahen’ aazmeen Hajj ki rawaangi se le kar un ki watan wapsi tak un ki behtar se behtar tareeqa par madad o rahnumai karte rahen aur mehnat o justojoo ke sath khidmaat injaam den taakay kisi ko kisi qisam ki shikayat ka moqa nah miley. Agar woh itminan bakhash karkardagi ka muzahira nah karen to un ke khilaaf karwai ki jaye gi. Is ijlaas se khitaab karte hue special officer Telangana State Haj Committee Prof S. A. Shukur ney Khadim ul Hujjaj ki zimma darion aur faraiz ke ilawa Hujjaj karaam ke masail aur un ko darpaish anay wali mushkilaat se waaqif karwaya aur kaha ke aazmeen hajj ko Khadim ul Hujjaj se kaafi umeeden wabsta hoti hain aur woh Saudi Arbia mein hukoomat aur Haj Committee ke numainday samjhay jatay hain. agar Khadim ul Hujjaj apne faraiz aur zimma darion se ghaflat karen aur waqt par’ khasosan kisi haji ke intqaal yaksi aur nagehani soorat e haal mein dastyab nah rahen to is se kaafi dushwari aur uljan peda hoti hai aur Haj Committee aur hukoomat ki karkardagi par harf aata hai. Haj Committee kaafi paisa kharch karkay Khadim ul Hujjaj ko rawana karti hai. unhon ney kaha tamam Khadim ul Hujjaj ko jacket day ye jayen ge aur woh hamesha usay pehnay rahen. jacket istemaal nah karne walon ke khilaaf karwai ki jaye gi. anho n ney intibah diya ke Hadayat aur usoolon ki khilaaf warzi karne walay Khadim ul Hujjaj ko wapas talabb karliya jaye ga. agar Khadim ul Hujjaj munasib andaaz mein khidmaat injaam nah den to Haj Committee un ke khilaaf karwai karne par majaboor hojaye gi. un ko nah sirf black list kya jaye ga balkay un par jo masarif aed hue hain woh un se wusool karliye jayen ge. professor s ae shkor ney mazeed kaha ke aazmeen hajj jin imaarton mein qiyam karen ge is imarat mein muqeem tamam aazmeen hajj ko un ke phone number day diye jayen ge aur building ke office ke paas un ke naam aur phone number ke astikrz bhi laga day ye jayen. Unhon ney kaha ke aazmeen hajj jab bhi phone karen to un ka jawab diya jaye aur un ki jo bhi madad karna ho woh ki jayen. Counsel General ya mualim ya Hukoomat Saudi arab ki janib se vqtan fawaqtan di jaany wali Hadayat aur notson se bhi aazmeen ko waaqif kerwatay rahen’ is ke ilawa tamam Khadim ul Hujjaj rozana apni karkardagi aur Hujjaj karaam ki naqal o harkat aur un ke qaym ke talluq se reyasti Haj Committee ko waaqif kerwatay rahen. Saudi Arab mein qiyam ke dauran qurbani ke token aur train aur bas ke bres late Hajion tak pahonchayin. Bemari’ haadsa’ raqam ya samaan khojane’ kisi aazim e Hajj ke bhichar jaany aur amwaat ki soorat mein Khadim ul Hujjaj aazmeen ki madad karen. Khadim ul Hujjaj Saudi arab mein qiyam ke douran aik register rakhen jis mein un ki karkardagi ka ka record rakhen aur wapsi ke baad usay Haj Committee mein daakhil karen. Is mauqa par assistant secretary janab Urfan shareef bhi mojood they.