Hyderabad: TRS ke sar barah aur riyasat Telangana ke wazeer aala K. Chandrashekhar Rao ne haftay ke roz wazeer aazam Narendra Modi se Appeal ki ke wo shehriat tarmeemi qanoon ( CAA ) par nazar sani karen, Aur kaha ke ye ”Mulk ke liye aaccha nahi hai “. Unhoun ne wazeh kiya hai ke un ki party CAA ki mukhalifat karti hai.
Mutanazia qanoon ke nafiz honay ke baad pehli baar NDA hukoomat par qanoon saazi karne par sakhti ikhtiyar karte hue, Chandrashekhar Rao ne Telangana Bhavan mein munaqidah Press Conference mein Media numaindoun ko khetaab karte hue kaha ”TRS ek Secular party hai, Jo kisi ke sath mazhab, Zaat Paat ya Maslak ki bunyaad par imtiazi sulooq nah karne ke ayeeni elaan par yaqeen rakhti hai.
KCR ne kaha mai doosri reyastoun ke wazraye aala se raabtey mein hon, Jo CAA aur hum khayaal jamaatoun ke qaideen ke mukhalif hain. Agar zaroorat hoto, Mein un sab ki rahnumai karoon ga aur Hyderabad mein honi wali ek meeting mein madoo karoon ga, Taakay is rajat pasand qanoon ke khilaaf ladne ke liye amal ka ek course tayyar karen. Hum is ke khilaaf ladenge. Hum kisi se ya kisi jamaat se khaufzadah nahi hin“.
Wazeer aala ne ye bhi bataya ke is Act ke baray mein koi wazahat nahi hai, Kyunkay mutadid markazi wazraa mukhtalif lehjey mein taqreer kar rahay they aur khud mutazaad they. Is mauqa par, Badli intikhabaat mein shandaar kamyabi par baat karte KCR ne kaha ke baldeati intikhabaat ke nataij TRS Party ke liye ek bohat badi kamyabi hain. –YTN STAFS