Hyderabad : Telangana mein police ne Telangana state road transport corporation ( TSRTC ) ke Hadhtaali mulazmeen ki himayat mein wazeer-e-aala KCR ki rehaish-gaah par muhasra karne ke congress party ke mansoobay ko na-kaam bananay ke liye peer ke roz mutadid congress qaideen aur kaarkunoun ko giraftar karliya. aur congress qaideen, Mallu Bhatti vikramaka Revanth reddy, Hanumanth Rao, Poonam prabhakar aur Mohammad Ali Shabbir sameit deegar rehnumao ko nazar band rakha gaya.
Police ne peer ki subah se hi riyasat ke mukhtalif hissoun mein rehnumao aur kaarkunon ki giraftari sahara liya, taakay inhen hyderabad janey se rok saken. muzahireen ko roknay ke liye wazeer-e-aala ki sarkari rehaish gaah’ pragati bhavan’ ke aas paas senkdoun police ahelkaar tainaat they. Begumpet mein pragati bhavan’ janey wali sadkon par barricades lagaye gaye they, jis ki wajah se shehar ke wast mein masroof ilaqay mein traffic congress kaarkunon ko is ilaqay tak pohanchanay se roknay ke liye hukkaam ne begumpet par hyderabad metro rail station bhi band kar diya. police ohdedaron ki janib se begumpet ke aas paas ke ilaqon mein hotels aur lodges ki talashi letay hue yeh maloom karne ki koshish ki ke kahin congress ke karkunaan wahan tehrey hue to nahi hain.?
Sabiq rukan-e-parliment Anjani kumar aur un ke haami, jo pragati bhavan ke qareeb pohanchanay mein kamyaab hogaye they, inhen giraftar kar liya gaya. TSRTC mulazmeen ki hadhtaal peer ke roz 17 din mein daakhil hogayi hai. congress party ne TSRTC mulazmeen ke mutalibaat par hukoomat ke rawayya ke khilaaf ehtijaj kar ne ke liye ”chalo pragati bhavan ka programme banaya tha. –YTN STAFF