Hyderabad : TPCC ke naib sadar Mallu bhatti Vikramarka kaha ke wazeer-e-aala K. Chandra Shekhar Rao ki janib se paish kiya gaya budget riyasat ko 20 saal peechay le gaya hai.
Unhon nay yeh bhi ilzaam lagaya ke budget mein BC, SC, aur aqliati bradri ke sath sarasar na insafi ki gayi hai. mangal ke roz unhon ne media numaindoun se baat karte hue Mallu Bhatti nay bhaari katotiyon wala budget qarar diya.
Unhon nay kaha’ budget mein kisanoun ki qarzz maffi aur Rythu Bandhu scheme ke liye baraye naam mukhtas kiya gaya hai.
Unhon nay ilzaam lagaya ke wazeer-e-aala is maamla par markaz ko murad ilzaam qarat day kar apni zimmedaari se farar hone ki koshish kar rahay hain. unhon nay haerat ka izhaar kiya ke kya wazeer-e-aala is waqt muashi bad-haali ke barey mein nahi jantay they, jab unhon nay apne Chintamadka gaon mein har khandan ko 10 laakh rupaye dainay ka wada kiya tha.
Unhon nay kaha ke ”KCR hukoomat nay wasail ki maali bad intizami ke sabab Telangana ko kharzoun se dochar riyasat mein tabdeel kar diya hai. –YTN STAFF