Hyderabad : Kareemnagar ke sarkari hospital ki janib se ambulance se inkaar ke baad pareshan baap ke apni saat sala beti ki laash le jaaane ke liye majboor honay wali tasweer ne sab ko hila kar rakh diya hai.
Telangana pradesh congress committee ( TPCC ) ke tarjuman syed Nizam Uddin , HCC Minorities Dept Chairman Sameer Waliullah aur deegar par mushtamil congress rehnumao ki ek team neh Chaharshambe ke roz peddapally zila ke Kalva Srirampuram ke Kunaram gaon ka dora karkay, is mazdoor shakhs sampath se mulaqaat ki. aur is waqea se mutaliq tafseelaat se waqfiyat haasil ki.
Is majboor baap ki poori kahani bohat hi chonkanay wali hai. Komalatha Nami ladki kareemnagar ke government hospital ki ghaflat ke baais fout ho gayi. iska ilaaj karne se inkaar kardiya gaya tha aur woh 2 dinoun tak farsh par padi rahi. yahan tak ke is ki mout waqay ho gayi. TPCC tarjuman syed Nizam Uddin neh kareem nagar government hospital ke bahar media numaindon se guftagu karte hue kaha ke is haqeeqat ke bawajood ke is shakhs ke paas ghar wapas jaaane aur khana khanay ke liye paesey nahi they, is ke bawujood is khandan ko Warangal ke hospital le jaaane ko kaha gaya tha.
Baad azan congress rehnumao nay sarkari hospital ka doura kiya aur medical superintendent Dr D. Ajay Kumar se is waqea ke baaray mein daryaft kiya. Dr nay bataya ke bachi gurday se mutaliq bemari mein mubtala thi aur is nay aiteraaf kiya ki sampath se bachi ko Warangal hospital mein ilaaj ke liye le jaanay ko kaha gaya tha. Dr nay tibbi ghaflat se inkaar kiya.
Dr se mulaqaat ke baad media se baat karte hue Syed nizaam uddin nay hukoomat se mutalba kiya ke sarkari hospital ki ghaflat ki wajah se bachi ki mout hui hai, iske zimmedaraan ke khilaaf sakht karwai ki jani chahiye. aur unhon nay bachi ke lawahiqeen ko 10 laakh grishya dainay ka mutalba kiya. Congress qaideen nay mutalba kiya ke wazeer-e-aala fori tor par is waqea ki tehqiqaat ka hukum den aur zimma daaron ke khilaaf sakht karwai karen, taakay aindah aisay waqeat runuma nah hon. –YTN STAFF