Hyderabad : Telangana ke zila Jogu Lamba Gudwal mein Chaharshambe ke roz police ne 12 sala bachi ke sath ziyad-ti karne walay 3 kam-sin bachoun mein se 2 ko hirasat mein le liya. jumeraat ke roz police ke mutabiq, panchwin classes ki Taliba yom-e-azaadi ke mauqa par school mein kheloun mein programme ke ineqad ki wajah se Anantapuram apne gaon mein ghar aayi thi. iske walidain kaam ke silsila mein bahar gaye hue the.
Teeno ladke, jin mein se 2 naveen jamaat ke taalib-e-ilm aur teesra aathween jamaat ka taalib-e-ilm tha, unhon ne ladki ko zabar dasti qareeb ki jhadiyon mein le gaye aur jinsi zayad-ti ka irtikaab kiya.
jab ladki ke walidain ghar pohanche to unhon ne usay rotay hue paaya. isne walidain ko waqea suna diya, jinhon ne police mein shikayat darj karayi. tafteesh ke douran, police ko maloom hua ke do mah qabal bhi 2 mulzimaan ne bachi ke sath jinsi zayad-ti ki thi. iske walidain ne us waqt ladkoun ko kheech liya, lekin masharti badnami ke khauf se police mein koi shikayat darj nahi karwai thi.
ladki ke waalid Auto Rickshaw chalatay hain aur walida khetoun mein kaam karti hai. police ne ladkoun ke khilaaf, jinsi tahaffuz ke act ( POSCO ) act ke tehat muqadma darj kar liya hai. –YTN STAFF