Agartala: Gujrat aur Mumbai High Court ke sabiq Justice A Abdul Hameed Kureshi ne hafta ke roz Tripura High Court ke 5th Chief Justice ki hesiyat se halaf liya. inhein yahan ke puranay Raj Bhavan ke darbaar Hall may munaqidah ek saada taqreeb may Tripura ke Governor Ramesh bais ne halaf dilaya. Is halaf bardari ki taqreeb wazeer-e-aala Biplab kumar deb, nayab wazeer-e-aala Jishnu Dev Verma, unke kabini rufqa-o-deegar Judges, SubhashishTalpatra aur Arindam Lodh ne shirkat ki .
Mumbai High Court ke 7 setting Judges aur Gujrat High Court ke 2 setting Judges ke sath sath mukhtalif siyasi jamatu ke qaideen, Senior Police afsaraan, Civil afsaraan aur Paramilitary afsaraan be is taqreeb may mojood they. Gujrat High Court ke Senior Judge Justice Kureshi Tripura muntaqili se qabal Mumbai High Court ke judge ki hesiyat se khidmaat anjaam de rahay they. – YTN STAFF