New Delhi: Supreme Court ney Bihar mein dimaghi bukhaar se bachon ki amwaat ke tanazur mein doctoron ke khaali ohdon per taqarurat se mutaliq mafaad aama ki darkhwaston ko yeh kehte huwe mustarad kar diya ke woh pani se le kar bijli taq, kis kis cheez ki kami par Hidayat jari kere ga.
Chief Justice Ranjan Gogoi aur justice Deepak Gupta ki bench ney kaha, Judgeoon, Doctoron, wazeer, Rajya Sabha ke arakeen ke ilawa pani aur Sooraj ki roshni ki bhi kami hai to woh kis kis cheez ki kami ko poora karne ke hidaayat den ge. Adalat ka yeh tabserah is waqt aaya jab arz guzaron mein se aik wakeel ney Daleel di ke Bihar mein 57 feesad doctoron ki kami hai. Wakeel Manohar Pratap ney Bihar mein doctoron aur narson ke badey pemanay par maqloaa jayeedadon par taqarrur ke liye Supreme Court se hidaayat jari kiye jaaney ki darkhwast ki.
Justice Gogoi ney Partap se kaha, Bihar mein doctoron ki kami hai, phir kya kya jana chahiye? kya hamein khaali Assam ko prkrna shuru kar dena chahiye? aap kya Salah dena chahtay hain? cheif justice ney kaha, hum Judgeoon ke khaali ohdon ko bharney ki koshish kar rahay hain lekin hum yeh nahi jantay ke hamein kitni kamyabi mili hai hum doctoron ke muamlay mein aisa nahi kar satke. Halaan ke adalat ney arz guzaron ko is ke liye Pathan High Court jaaney ki chhuut day di hai. Supreme Court ney Bihar mein dimaghi bukhaar par qaboo panay ke liye markaz aur Bihar hukoomat ki koshisho par itminan zahir karte huwe mutaliqa arz guzaroon ney koshish mustarad kar di.