Hyderabad : Congress ke senior rehnuma aur MLC Jeevan Reddy nay haftay ke roz kaha ke wazeer-e-aala KCR ka Kaleshwarm lift aab paashi project ko qaumi project ka daraja haasil karne mein nakami ke zimma daar hain.
Unhoun nay yeh bhi ilzaam lagaya ke wazeer-e-aala nay is project ke takhminey mein izafah karkay 50,000 crore rupaye ka boojh dala hai, yeh kehte hue ke is project par kharch ki gayi raqam kabhi bhi wusool nahi ki jayegi, bhaley hi markazi hukoomat nay project ko qaumi project ka daraja hi diya ho.
Party ke deegar rehnumao ke hamrah kareem nagar mein media numaindon se baat karte hue Jeevan Reddy ready nay ilzaam lagaya ke wazeer-e-aala nay is project ko dobarah design karne ke naam par Kaleshwaram lift aab paashi ke project ki laagat ka takhmeenah 38,000 crore se badha kar 83,000 crore rupaye kar diya hai.
Unhon nay wazeer-e-aala par izafi 45,000 crore rupaye kharch karke 16.40 laakh acre raqbay par 1.60 laakh acre raqbay ki izafi aayi kat bananay ka ilzaam aed kiya. unhon nay mutalba kiya ke wazeer-e-aala project ki taameer se mutaliq white paper jari karen. –YTN STAFF