New Delhi: Naye saal ki aamad ke mauqa par Delhi bhar ke logoun ne ek allag qisam ke naye saal ki aamad ka mushahida kiya, Kyunkay Delhi ke Shaheen Bagh mein Jamia Millia Islamia ke talba aur muqami logon ne, Naye saal ki aamad ke is mauqa par, CAA aur NRC ke khilaaf muzahira kiya.
Internet par Viral honay wali video mein, Muqami logoun ke sath sath talba bhi CAA aur NRC se azaadi ka mutalba karte hue dekhe jasatke hain, Jabkay deegar loog is mutanazia qanoon ke khilaaf placards thaamay hue aur qaumi parcham lehratey hue ghoom rahay hain.
Jaisay hi ghadi ne raat ke 12 bajaye, Muzahireen ne qaumi taranah gaaya, Jis ke baad ”Inqelaab zindah baad ka naara lagaya gaya. Is mauqa par stage par lagaye gaye banner par ”The Freedom- Night ( Azaadi ki Raat ) likha huva tha. Twitteratti ne is iqdaam ki tareef ki aur qaumi taranah ne 32.2k Twits ke sath Trend karna shuru kiya, Jis ke baad ek sarif ne likha ” Goosebumps. jab Delhi ki fizaoun mein JAN GAN MAN ADHINAYAK JAYA HAI aawaz goonj uthi. loog apne bachoun ke sath khulay aasman ke neechay qaumi taranah ke sath 2020 ka jashann manate hain, Ye un ke qoum ke sath sachhi mohabbat hai“.
Ek aur sarif ne video Caption ka ishtiraaq kiya ”ham ne azaadi ka jashnn manaya. Qaumi tarane aur ”ham ek Ilaan ke sath, Inqilab zindah baad. –YTN STAFF