London: South Africa ke sabiq All Rounder Jacques Kallis ney apni team Sourth Africa kiWworld Cup mein mayoos kin muhim ke baad khiladiyon ko mahswara diya hai keh woh England ke naqsh qadam par chalein. Guzishta World Cup mein England ko bhi isi terha mayoos kin muzahiron ke zareya group marhala se bahar hona pada tha jis ke is ney apne khail mein tabdeeli laatay huwe jarehana tarz rasayee ko ikhtiyar kiya jis ki wajah se woh is waqt oneday ki number aik team hai. Guzishta roz Pakistan ke khilaaf lads mein munaqidah muqaabla mein Pakistan ke khilaaf South Africa ko 49 runs ki shikast hogayi jis ke baad ab woh World Cup se bahar hochuki hai.
Apne daur ke kamiyaab tareen All Rounder Kallis ney South Africa ko kaha ke 2015 main England ka yahi haal huwa tha lekin is ney nakamiyoo se mayoos honay ke bajaye usay nai tabdeeli ki raah banai hai. England is waqt kisi khauf ke baghair muzahirey kar rahi hai jis ki wajah se woh duniya ki number aik team hai. South Africa ko bhi ab England se sabaq sikhte huwe be khauf aur dulerana cricket khalna hogi. Kallis ney mazeed kaha ke team mein tabdeeli ki zaroorat nahi hai kyunkay chaar baras qabal Morgan ki qayadat mein hi England ko mayoos kin muzahiron ke baad World ke pehlay marhala mein hi bahar hona pada tha lekin is ney team mein tabdeeli nahi ki aur Morgan ki qayadat mein hi England ab duniya ki number aik team hai. Kallis ke mojab South Africa ke beshtar khiladi is waqt noujawan hai lehaza un hi par team ka mustaqbil tayyar karna behtar faisla hoga.