Masjid e Aqsa ke ihata mein Israeli Forcess ke taaqat ke istemaal par darjanon Falasteeni zakhmi. Tassadum mein do Israeli fouji bhi zakhmi. Falasteeni wazeer umoor mazhabi aur uJordon ki Israel par shadeed tanqeed.
Qaabiz sahyoni fouj aur Police ne mujremana ghunda gardi aur jabar o istibdaad ka bad tareen muzahira karte hue jummay ke roz Masjid e Aqsa mein namaz ke liye anay walay Falastinion ko Masjid mein daakhil honay se rok diya aur Qibla e Awwal ko Nmazyon ke dakhla ke liye band kardiya gaya. Falasteeni mehakuma Auqaaf aur Francesi khabar rasan agency ke nama nigaar ke mutabiq sahyoni police ki badi tadaad ne mashriqi Bait ul Muqaddas mein daakhil honay ke baad Masjid e Aqsa ke atraaf koapne ghairay mein le liya. Masjid mein namaz Jummay ki adai ke liye anay walay Falasteeni namazyon ko zado kob kya gaya aur inhen ishtial angaiz andaaz mein wahan se nikaal diya. Aini shahideen ke mutabiq Israeli Police ke wehshiana tashadud ke baad Falasteeni namazyon ne shadeed ehtijaj kya. Falasteeni shehrion aur Israeli fouj ke darmain jhadpen bhi huien. Jab Israeli Forcess ne ansoo gas, asleha aur ruber mulamma kaari ki dhaati golian barsaaen to darjanon Falasteeni zakhmi hogaye. Masjid e Aqsa ke ihata mein hue tassadum mein do Israeli fouji bhi zakhmi hogaye. Falasteeni Mehakima Auqaaf ke tarjuman ne bataya ke Israeli police ne Masjid e Aqsa ke tamam darwazay band karne se qabal tamam dakhli darwazon ke bahar khardaar taren laga den. Falasteeni wazeer Umoor d Mazhabi Mohammad Al-Habbash ne yeh kehte hue ke muqaddas maqam par tall abib ki karwai insani Waqar ke magaayer hai, Masjid e Aqsa compound par Israeli thdidat ko Nazi tafteesh ke mutradif qarar diya. unhon ne Masjid e Aqsa mein Falastinion ke dakhla par Tahdeed par tanqeed karte hue kaha ke sadkon ko block kardiya gaya, thdidat aayed kar di gayeen, darwazon ko band kardiya gaya, sarkain masdood kar di gayeen aur Umar ki Tahdeed aed kar di gayeen, 40 baras se kam Umar ke logon ko ibadat karne se rokkk diya gaya. unhon ne istafsaar kya ke hum tareekh ke kis daur mein reh rahay hain? kya Nazi tafteesh ke daur mein? kya woh doosron ke sath wohi kuch karna chahtay hain jo yahodi barhon mein, ehad wasti ki salebi adalaton ya Nazi adalaton mein un ke sath kya jata raha hai? Masjid e Aqsa ke Gates kayi ghanton taq band kardainay par urdan ne Israeli ishtaal angezi par shadeed barhami ka izhaar kya.