Ramallah: Palestine Authority ney kaha hai ke Israel ke peda kardah maali bohraan ke baais hazaroun sarkari mulazimeen ki thankhowa kam kar di jaye gi. Website ke mutabiq Palestine wazeer khazana Shukri Bishara ney kaha ke corona waba ke douran Authority iqtisadi sargarmia 80 feesad tak kam hojane aur Israel ki janib se muahiday ki khilaaf warzi ke baais aamdani se mehroom hogayi hai.
Shukri Bishara ne kaha hai ke Authority ke mulazimeen ki tadaad 1 lakh 32 hazaar ke lag bhag hai. Un mein se beshtar mulazimeen ki thankhowa 50% tak kam hojaye gi taham kisi bhi mulazim ko ek mah mein 507 Dollar ke masawi raqam se kam nahi diye jayen ge.
Tajzia nigaroun ne khadsha zahir kiya hai ke sahet bohraan aur Israel ke sath maali tanazeaat ke baais Palestine Authority ka maliyati nizaam darham barham ho sakta hai. Palestine Authority ne coronavirus se mutasireen ki tadaad badh jaaney par garbh Urdan ke kayi ilaaqoun mein lockdown kardiya jabkay curfew ka daira jummay se Palestine ke tamam ilaaqoun tak phela diya jaye ga.