Madina: Saudi Arab mein Madina Munawwara ki Islami University duniya ki 1 hazaar behtareen universition ki fehrist mein shaamil kiya gaya hai. 2021 ke liye jamiyaat ki bain ul aqwami daraja bandi ( QS ) ke tehat 1 hazaar behtareen universition mein Madina Munawwara ki Islami university 801 we number par hai.
Website ke mutabiq QS neh report jari ki hai jis mein kaha gaya hai ke Madina Munawwara ki Islami university aalmi jamaat mai 1 hazaar ke darmain wali universition mein se ek hai. Arab jamiyaat mein is ka number chaleeswa aur Saudi jamiyaat mein is ka number satwaan hai.
Madina Munawwara Islami University ke qaim maqam chancellor Dr Abdallah Alatibi neh is kamyabi par university ke tamam Professor, Readers aur Lecturer ko Mubarakbaad pesh ki aur is usay un ki behtareen kawishoun ka samar qarar diya.
Alatibi ney tavajja dilae ke University 6 dahi qabal qaim huvi thi tab se pehli baar usay ye aalmi aizaz hasil huwa hai is ka taqaza hai ke tedrisi amlah university ko mazeed agay le janey ke liye mazeed jad-o-jehad kere aur university ke aalmi ilmi aur insani pegham ke liye din raat ek karde.
QS jamiyaat ki darja bandi mein 6 bunyadoun par faisla karta hai. Chalees feesad Science tahaqeeq, 20 feesad tedrisi amlay ke har rukan ke tehqeeqi kaam, 10 feesad fezla ke rozgaar, 5 feesad university ke aalmi vision, 5 feesad aalmi talba ki shamoliat aur 20 feesad taleemi mayar ki bunyaad par darja bandi ki jati hai.