New Delhi: Corona wabai amraaz ke pesh e nazar is saal ka bain ul aqwami yom-e-Yuga digital media platform par manaya jayega aur yahan koi ijitmaat nahi honge. Hukoomat ney wazeh kardiya hai ke is saal bain ul aqwami Yoga Day’ ‘ ghar mein Yoga aur khandan ke sath Yoga’ ‘ unwan ke tehat online hoga. Ohdedar 21 June ko subah 7 bajey Yoga Day ki taqrebaat mein shaamil hosakinge. Beroun mulk hindustani digital media ke sath Yoga ki himayat karne walay idaroun ke Network ke zariye logoun tak pounchanay ki koshish kar rahay hain.
Is se qabal wizarat Ayush ne ek azeem ul shaan programme ke ineqad ka mansoobah banaya tha, Taham corona ki wajah se usay mansookh karna pada hai. Is ke ilawa Wazeer e Azam ne 31 May ko shuru ki janay wali My life, My Yoga video Blogging muqaabla ke zariye, Ayush aur ICCR ki wizarat Yoga ke baarey mein shaoor ujagar karne aur logoun ko tayari aur mutharik sherka mein shaamil honay ki targheeb dilay hai. Alawa azeen is martaba Yoga Day 2 marhalay mein munaqqid hoga. Pehla muqaabla bain ul aqwami video blogging muqaabla par mushtamil hai, Jis mein fateheen ka intikhab kisi mulk ke andar kiya jayega. Is ke baad aalmi inaam yafta afraad jiitenge jin ka intikhab mukhtalif mumalik se kiya jayega. Yani qaumi aur bain ul aqwami tarz par ye muqablay honge. –YTN STAFF