Tehran: Iran ne Parliament aur Ayatullah Khamini ke mazaar par hamlon ke ilzaam mein 8 afraad ko phansi day di. irani adliya ke sarkari khabar rasan idaara maizaan news agency ke mutabiq Daulat Islamia Iraq o Shaam ( ISIS ) se talluq rakhnay walay 8 afraad ko szaye mout day di gayi. phansi panay walon mein Sulaiman Muzafari, Ismael Sufi, Rehman Behrose , Majeed Murtuzai, Sarosh Azeezi, Ayub Ismayli, Khusru Ramazani aur Usmaan Behrose shaamil hain. 7 June 2017 ko Tehran mein Parliament aur Ayatullah Khamini ke mazaar par hamlon mein 18 afraad halaak aur 50 se zayed zakhmi ho gaye thay. ISIS ne is hamla ki zimma daari qubool ki thi . Is hamla mein mulawis honay ke ilzaam mein barray pemanay par pakar dhkrh hui jin mein se 20 afraad par muqadma chalaya gaya. un mein se 8 ko phansi day di gayi hai jab ke baqi 12 se zayed mulzimaan ke khilaaf adalti karwai ab bhi jari hai. Parliament aur mazaar par hamla ke rad-e-amal mein irani force pasdaran inqilab ne shaam mein ISIS ke thikanon par missile hamlay bhi kiye thay