Washington: Americi wizarat khazana ne elaan kiya ke America ne Iran ke sath tijarti aur karubari shobay mein madad karne wali ek cheeni company ko Blacklist kardiya hai. Americi wizarat khazana taraf se jari ek bayan mein kaha gaya hai ke hukoomat kaafi arsay se Cheeni karubari company Shanghai Saint Logistics Ltd par nazar rakhi huvi thi. Ye company Iran ke sath karobari sar garmioun mein mulawis hai aur is ne Tehran par ayad ki gayi Americi pabandioun ko ghair moassar bananay mein Iran ke sath taawun kiya.
Wizarat khazana ke bayan ke mutabiq China mein qaim Shanghai Saint Logistics Ltd company ko Irani dehshat gard Airline Mahan Air ke umomi farokht Agents ko khidmaat faraham karti hai. Bloomberg ki ek Report ke mutabiq Irani Airline ne guzashta April ke aakhir mein Venezuela mein 6 se ziyada tayyaray beje they. Is ke paas Venezuela ke shumal maghribi saahil ke sath waqay ek badi Refinery ki murammat mein madad karne ke liye jahazoo se takneeki mahireen ko Venezuela laya gaya. –YTN STAFF