Iran mein American dollar aur sonay ki qeematein mulki tareekh mein ghair masbooq satah tak buland honay ke baad dar-al-hakoomat ke wasti ilaqa mein mashhoor ” Bazar e Tehran” mein hadtaal dekhnay mein aayi. Al Arabia dot net ki aik report ke mutabiq guzashta 40 barson mein pehli martaba aik dollar ki qeemat 90 hazaar irani rial tak poanch gayi. irani” radio zamana” ney ney media zaraye ke hawala se bataya ke bazaar Tehran mein paiir ki subah shuru honay wali hadtaal dollar ke maqabil irani currency ki shadeed giravat par ehtijaj ke taur par ki ja rahi hai. idhar irani saddar husn Rohani ki aik tasweer ney Iran mein social media ke halqon ko chairag pa kar diya hai. tasweer mein Rohani sports track suit mein dikhayi day rahay hain jis par irani halqon ney Rohani ko tanqeed ka nishana banatay hue kaha hai ke saddar malik mein ghair masbooq noiyat ke haliya iqtisadi bohraan se ghaflat bart rahay hain. dollar ki qeemat 90 hazaar rial tak pounchanay aur Rohani ki mazkoorah tasweer ke phail jane ke chand ghanton baad secron dukaan malkaan aur irani shehri ehtajaji muzahiray ke liye sarkon par nikal kharray hue. muzahireen ney is mauqa par mukhtalif siyasi aur muashi naaray bhi lagaye maslan” shaam se niklo aur hamaray haal ki fikar karo “. social media par jari tasaveer aur video clips mein hukoomat ki iqtisadi policion par gussa mein baphray hue majmuoon ko dekha ja sakta hai
Saal 1979 hamza ki hadtaal aur Shah Iran ki hukoomat ka suqoot
yaad rahay ke Bazar e Tehran ko irani maeeshat ki sheh rigg kaha jata hai. saal 1979 hamza mein is bazaar mein honay wali hadtaal Shah Iran ki hukoomat ke suqoot ke markazi awamil mein se thi. idhar dar-al-hakoomat Tehran mein money aykschinjz ney currency ke shadeed utaar charhao ke andesha ke sabab naqad currency bilkhushoos American dollar ki khareed o farokht se inkaar kar diya hai. baaz irani shehrion ney social media par bataya hai ke qaumi currency ki qader mein shadeed giravat roz maraah ki zindagi ko barah e raast mutasir kar rahi hai aur ghizai ashya ki qeematein baqaidagi ke sath barh rahi hain. baaz logon ka kehna hai ke woh aik hafta ke liye ghizai ashya ka zakheera kar rahay hain kyun ke is douran qeematon mein izafah ka andesha hai